Ա. Գեղամյան. Հայաստանի ղեկավարությունն ի սկզբանե աջակցել է սիրիական հարցի քաղաքական լուծմանը

14.10.2013, Panorama.am

«Հայաստանը միայն ի լրո չէ, որ գիտի Սիրիայում ստեղծված իրական վիճակի մասին, քանի որ ավելի քան 10 հազար սիրիահայ փախստական ապաստան են գտել Հայաստանում: Թուրք գործընկերն ասաց, թե հարյուր հազարավոր մարդիկ Սիրիայում զոհվել են ոչ քիմիական զենքի կիրառումից: Ավելի ազնիվ կլիներ, որ նա շարունակեր, թե քանի մարդ է զոհվել զենքից, որը Թուրքիայի կողմից մատակարարվել է գրոհայիններին, այդ թվում Ալ-Ղաիդայի անդամներին: Այդ դեպքում պատկերն ավելի ամբողջական և օբյեկտիվ կլիներ»,-հոկտեմբերի 13-ին ԵԱՀԿ Խորհրդարանական վեհաժողովում ունեցած ելույթի ժամանակ, անդրադառնալով սիրիական հակամարտությանը, նշել է ԱԺ պատգամավոր, ԵԱՀԿ խորհրդարանական վեհաժողովում ՀՀ պատվիրակության անդամ Արտաշես Գեղամյանը:

Նա խոսել է Քիմիական զենքի արգելման կազմակերպությանը խաղաղության նոբելյան մրցանակի շնորհման մասին, որը պայմանավորված է այդ կազմակերպության կողմից Սիրիայում քիմիական զինանոցի ոչնչացման հետ:

Ա. Գեղամյան. Ադրբեջանում վարվում են 30-ականների ֆաշիստների նման

23.02.2013, Panorama.am

«Մենք պետք է անենք հնարավոր ամեն ինչ, որպեսզի սիրիական ողբերգությունը չկրկնվի որևէ պետությունում՝ հատկապես Հարավային Կովկասի և Մեծ Մերձավոր Արևելքի տարածաշրջաններում»,- այս մասին երեկ՝ փետրվարի 22-ին, Վիենայում ԵԱՀԿ Խորհրդարանան վեհաժողովի 12-րդ ձմեռային նստաշրջանում հայտարարել է ԵԱՀԿ ԽՎ-ում հայկական պատվիրակության անդամ, ՀՀ ԱԺ պատգամավոր Արտաշես Գեղամյանը:

Հիշեցնենք, որ փետրվարի 21-22-ը Վիենայում մեկնարկել է ԵԱՀԿ Խորհրդարանական վեհաժողովի 12-րդ ձմեռային նստաշրջանը: ԵԱՀԿ անդամ տարբեր երկրներից նստաշրջանին ներկա են եղել ավելի քան 240 խորհրդարանականներ՝ այդ թվում հայկական պատվիրակության անդամներ: Նստաշրջանի առաջին օրվա քննարկման օրակարգում եղել են ԶԼՄ-ների ազատության, սահմանային համագործակցության և անվտանգության խնդիրները, իսկ նստաշրջանի վերջին օրը քննարկվել է Սիրիայում, Սահելի տարածաշրջանում և Հյուսիսային Աֆրիկայում ստեղծված ճգնաժամային իրադրությունը:

Նիստում, մինչ հայկական պատվիրակության հայտարարությունը, հանդես է եկել Ադրբեջանի ներկայացուցիչը, ով սիրիական ճգնաժամի հետ կապված խնդիրներին անդրադառնալիս՝ խոսել է Խոջալուի իրադարձությունների, սիրիահայ փախստականների՝ Արցախում բնակվելու մասին: Կարդալ ավելին...

Ա. Գեղամյանը ԵԱՀԿ ԽՎ-ում անդրադարձել է հայ-թուրքական և ղարաբաղյան հիմնախնդիրներին

22.02.2013, Panorama.am

«Անվտանգ հասարակության կառուցումը մերօրյա ամենահրատապ խնդիրն է, որում համոզվում ենք՝ հիշելով այն ամենը, ինչ կատարվում է Մեծ Մերձավոր Արևելքում: Անվտանգ հասարակության կառուցումը ենթադրում է ինչպես ռազմական, այնպես էլ տնտեսական անվտանգության ապահովում: Ցավոք, արդեն 20 տարի Հայաստանը շրջափակման է ենթարկվում, որով խարխլվում են Հայաստանի տնտեսական անվտանգության հիմքերը»,- այս մասին երեկ՝ փետրվարի 21-ին, Վիենայում մեկնարկած ԵԱՀԿ Խորհրդարանան վեհաժողովի 12-րդ ձմեռային նստաշրջանում հայտարարել է ԵԱՀԿ ԽՎ հայկական պատվիրակության անդամ, ՀՀ ԱԺ պատգամավոր Արտաշես Գեղամյանը:

Նա անդրադարձել է  տարածաշրջանային անվտանգության խնդիրներին, ԵԱՀԿ ԽՎ պատվիրակների ուշադրությունը հրավիրել Թուրքիայի կողմից Հայաստանի շրջափակման փաստի վրա և այդ համատեքստում Հայաստանի ու Թուրքիայի մեջև ստորագրված Ցյուրիխյան արձանագրություններին:

«Հայաստանը շրջափակման է ենթարկված Թուրքիայի կողմից: Այդ իրավիճակից դուրս գալու համար ի՞նչ է ձեռնարկել հայկական ղեկավարությունը: 2009թ.-ին Հայաստանի նախագահ Սերժ Սարգսյանը աննախադեպ քայլի դիմեց, նա հավանություն տվեց Թուրքիայի հետ դիվանագիտական հարաբերություններ հաստատելու և երկկողմ հարաբերությունների զարգացման մասին Ցյուրիխյան արձանագրությունների ստորագրմանը, որով ծայրահող դժգոհություն առաջացրեց բազում հայրենակիցների մոտ, ովքեր ճակատագրի բերումով ցրված են ողջ աշխարհում, որն էլ հանդիսանում է Օսմանյան կայսրությունում 1915թ.-ի Հայոց ցեղասպանության հետևանք:

ԵԱՀԿ ԽՎ-ում Արտաշես Գեղամյանը համեմատություններ է արել անցած և իր մասնակցությամբ ընտրությունների միջև

22.02.2013, Panorama.am

Փետրվարի 21-22-ը Վիենայում կայացել է ԵԱՀԿ Խորհրդարանական վեհաժողովի 12-րդ ձմեռային նստաշրջանը: ԵԱՀԿ անդամ տարբեր երկրներից նստաշրջանին ներկա են եղել ավելի քան 240 խորհրդարանականներ՝ այդ թվում հայկական պատվիրակության անդամներ: Նստաշրջանի առաջին օրվա քննարկման օրակարգում եղել են ԶԼՄ-ների ազատության, սահմանային համագործակցության և անվտանգության խնդիրները:

Նստաշրջանում ելույթ է ունեցել ԵԱՀԿ ԽՎ-ում հայկական պատվիրակության ներկայացուցիչ, ՀՀ ԱԺ պատգամավոր Արտաշես Գեղամյանը, ով անդրադարձել է Հայաստանում ԶԼՄ-ների ազատությանը, մասնավորապես փետրվարի 18-ի նախագահական ընտրությունների համատեքստում:

«Հայաստանում փետրվարի 18-ին տեղի են ունեցել նախագահական ընտրություններ, որոնք ճանաչվել են ամենաժողովրդավարական ընտրությունները անկախ Հայաստանի 21 տարվա պատմության ընթացքում: Չնայած նաև առկա բացասական գնահատականներին՝ բոլորը համամիտ են, որ նախագահական ընտրարշավի ժամանակ դրականորեն առանձնացել են ԶԼՄ-ները, ավելին՝ մշտադիտարկումը վերհանեց շատ հետաքրքիր պատկեր, երբ նախագահի ընդդիմադիր թեկնածուները ունեցել են ավելի շատ եթերային ժամանակ, քան Հայաստանի գործող նախագահը»,- նշել է Ա. Գեղամյանը: