«Ձեզ գրել, տվել են, կարդում եք, բայց կարդալուց էն կողմ բաներ էլ կան, չէ՞». Գեղամյանը՝ Ներսես Երիցյանին

06.10.2015, Panorama.am

«2003-ին 1 դոլարի փոխարժեքն էր 578.8 դրամ: Ճիշտ այդ նույն տարի ներմուծման ծավալը կազմել է 1 մլրդ 269 մլն դոլար: 5 տարվա ընթացքում արհեստականորեն իջեցրեցին փոխարժեքը, դարձրեցին 305.97 դրամ՝ 1 դոլարի դիմաց: Ճիշտ այդ ժամանակ ներմուծման ծավալը 1 մլրդ 260 դոլարից հասավ 4 մլրդ 411 մլն դոլարի: Դա ի՞նչ է նշանակում, որ ներմուծումն ավելի ձեռնտու էր, քան երկրի ներսում տնտեսություն կազմակերպելը»,- այս մասին այսօր ՀՀ Ազգային ժողովում ասաց ՀՀԿ խմբակցության պատգամավոր Արտաշես Գեղամյանը, երբ Կենտրոնական բանկի փոխնախագահ Ներսես Երիցյանը ներկայացնում էր ԿԲ-ի 2015-ի դրամավարկային քաղաքականության ծրագիրը:

Արդյունքում, ըստ Գեղամյանի, հայկական ապրանքները դարձան ոչ մրցունակ, գործարանները փակվեցին, գործազրկության, աղքատության մակարդակը բարձրացավ: «Սրա՛ համար եմ ասում: Դուք ձեր ելույթում հպարտացաք, որ դրամավարկային քաղաքականության արդյունքում ապահովել եք կայուն տնտեսական աճ, ինչի՞ հաշվին՝ գնաճի: Ասեմ՝ ինչու. 2010-ին ՀՆԱ-ն դոլարային արտահայտությամբ 9.3 էր, 2012-ին՝ 10.1. 2013-ին՝ 10.4, 2014-ին՝ 10 մլրդ 500 մլն դրամ, ո՞ւր է կայուն զարգացումը: Ասում եք՝ 1 մլրդ 900 մլն-ով ավելի եք վարկավորել տնտեսությունը: Եթե այդքան վարկավորել եք՝ զարգացմանը չի գնացել, զարգացմանը գնար՝ գոնե այդքանի չափով ՀՆԱ-ի աճ պետք է ապահովեիք: Այսինքն, հազիվ պարտքերն եք փակել, բանկերի տոկոսներն եք փակել: Ինչքան խորանանք, ավելի ծանր թվեր կլինեն»,- ասաց Ա.Գեղամյանը:

Արտաշես Գեղամյանն առաջարկել է Ռուսաստանի հետ կապված հարցերը քննարկել Ուլան Բատորում

06.07.2015, Panorama.am

Երեկ Ֆինլանդիայի մայրաքաղաք Հելսինկիում տեղի է ունեցել ԵԱՀԿ Խորհրդարանական վեհաժողովի լիագումար նստաշրջանի բացումը`նվիրված Հելսինկյան ակտի 40-ամյա հոբելյանին:

Ռուսաստանի պատվիրակությունը, սակայն, բոյկոտել է վեհաժողովի նստաշրջանը, քանի որ ֆիննական իշխանությունները թույլ չեն տվել Ռուսաստանի Դաշնության պետդումայի խոսնակ Սերգեյ Նարիշկինին մուտք գործել Ֆինլանդիա և մասնակցել վեհաժողովի աշխատանքներին: Վերջինիս նկատմամբ ԵՄ-ի կողմից պատժամիջոցներ են սահմանված:

Коммерсант-ի փոխանցմամբ՝   սա պատճառ է դարձել, որ ռուսական պատվիրակությունը բոյկոտի ԵԱՀԿ ԽՎ աշխատանքները: Մինչդեռ նիստում նախատեսված է եղել մի շարք հակառուսական փաստաթղթերի քննարկում:

Վեհաժողովի նստաշրջանին ռուսական պատվիրակության չմասնակցեկու խնդրի վերաբերյալ տարբեր երկրների ներկայացուցիչներ տարբեր կարծիքներ են հայտնել:

Մասնավորապես Գերմանիայի պատվիրակության ղեկավար Դորիս Բարնետը նշել է, որ իրենք պատրաստվում են առանց ռուսական պատվիրակության մասնակցության բավականին կոշտ բանաձև ընդունել այդ երկրի դեմ, ինչը ցավալի է: Նա անիմաստ է համարել դա՝ առանց Ռուսաստանի մասնակցության, և հավելել, որ Գերմանիան չի պաշտպանում ֆիննական իշխանությունների կողմից բանեցված արգելքը:

ԵԱՀԿ ԽՎ նախագահին է փոխանցվել Հայոց ցեղասպանության 100-րդ տարելիցի համահայկական հռչակագիրը

23.02.2015, Panorama.am

Վիեննայում ԵԱՀԿ խորհրդարանական վեհաժողովի ընթացքում այդ կազմակերպության նախագահին է փոխանցվել ցեղասպանության 100-րդ տարելիցի համահայկական հռչակագիրը: Այս մասին այսօր Ազգային ժողովում հայտարարեց ՀՀԿ խմբակցության անդամ Արտաշես Գեղամյանը` հավելելով, որ այդպիսով նա կատարել է Սերժ Սարգսյանի հանձնարարությունը:

Նրա խոսքերով`մինչ այդ ԵԱՀԿ բոլոր պատվիրակների հասցեով ուղարկվել էր վեց լեզուներով այդ Հռչակագիրը, ինչպես նաև «Թուրքիան պետք է ապաշխարի իր անցյալի համար» յոթ լեզուներով հրատարակված գիրքը:

«Այսօր ամենաբարձր ատյաններում` ԵԱՀԿ ԽՎ-ում, ամենայն լրջությամբ և հարգանքով են մոտենում Հայոց ցեղասպանության 100-րդ տարելիցի նշմանը: Ցանկացած քննարկում, որը շեղում է ուշադրությունը այլ հարցերի վրա, ստվեր է գցում բոլորիս համար այդ ճակատագրական օրվա հետ կապված գաղափարին: Ուստի խնդրում եմ` այն մեծ աշխատանքը, որ կատարվել է հանրապետությունում` մեր այստեղ անպատեհ հարցերի քննարկումներով չստվերենք»,- ասաց Գեղամյանը:

«Պետք է սահմանվի մի կարգավիճակ, որը թույլ կտա ներկայացնել Ղրիմի բնակչության որոշակի հատվածին»

21.02.2015, Panorama.am

«ԵԱՀԿ-ն միտված է Վանկուվերից մինչև Վլադիվաստոկ ընկած տարածքում համագործակցության և անվտանգության ապահովմանը: Մոտենում է Հելիսնկյան եզրափակիչ ակտի ստորագրման 40-ամյակը: Դա պահանջում է ուժերի գերլարում և համախմբում, որպեսզի որոշ ժամանակ անց կարողանանք հպարտությամբ նշել, որ մենք մեր ավագ սերունդերի սկսած մեծ գործի շարունակողն ենք»,- Վիեննայում կայացած ԵԱՀԿ ԽՎ-ի նստաշրջանի իր ելույթում այս մասին նշել է ԵԱՀԿ ԽՎ-ում Հայաստանի ԱԺ պատվիրակության ղեկավար Արտաշես Գեղամյանը:

Բանախոսի խոսքերով` Հելսինկյան հանդիպման վերջնարդյունքի հանդեպ պատասխանատվությունը կախված է նաև ԵԱՀԿ-ի Խորհրդարանական ասամբլեայի գլխավոր քարտուղարի անհատական որակներից:

«Ես կարծում եմ, որ այն ժամանակահատվածը, որի ընթացքում մենք աշխատեցինք միասին, հայկական պատվիրակությանը հնարավորություն է տալիս շատ ուշադիր և բարեկամաբար վերաբերվելու Ձեր առաջարկությանը, մանավանդ, որ պարոն Սպենսեր Օլիվերը, որին ես մոտ 15 տարի ճանաչում եմ, միշտ եղել է բարձրության վրա և բաց է եղել անկեղծ երկխոսության համար»,- նշել է Ա. Գեղամյանը: