«ՈՎ ՊԱՏՐԱՍՏՎՈՒՄ Է ԽԱԽՏՈՒՄՆԵՐԻ, ԱՄԵՆԱՇԱՏՆ Է ՊԱՀԱՆՋՈՒՄ ԱՐԴԱՐ ԸՆՏՐՈՒԹՅՈՒՆՆԵՐ

04.04.2012, Իրավունք

ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԸ, օրերս տեղի ունեցած ասուլիսի ժամանակ խոսեց նախընտրական տրամադրություններից ասելով.

-Ընտրացուցակները հրապարակվելուց հետո, մի փոքր խառնաշփոթ բարձրացավ, որը պարզապես առաջին ալիքն էր, իսկ հիմա այն հանդարտվում է եւ մտնում ենք նախընտրական մրցակցության փուլ: Երբեմն անհասկանալի են անհանգստության այնպիսի դրսեւորումները, որոնք արտահայտում են որոշ ուժեր կապված ապագա ընտրությունների ազատ եւ արդար լինելու հետ, որովհետեւ շատ անգամ տպավորություն է ստեղծվում, որ ով պատրաստվում է կեղծել ընտրությունները կամ խախտում կատարել կամ արդեն իսկ կատարում է, այդ ուժերի ներկայացուցիչները ամենաբարձրն են գոռում արդար եւ ազատ ընտրությունների անցկացման անհրաժեշտության մասին: Կարծում եմ, որ ՀՀ նախագահը, իշխանությունները, ՀՀԿ-ն եւ նրա հետ դաշինքում ներգրավված ուժերը ամենաշահագրգռվածն են, որպեսզի ընտրությունները անցնեն ազատ ու առանց պրովոկացիայի: Սա պարզ տրամաբանություն է, որովհետեւ ակնհայտ է, որ ՀՀԿ-ի ցուցակը լինելու է հաղթող եւ ակնհայտ է, որ հաղթելով ստանձնելու է պատասխանատվություն մոտակա հինգ տարիների համար, հետեւաբար ամենաշատն է ցանկանում, որ ընտրությունները լինեն ազատ եւ արդար:

ՀՀԿ-ի ցուցակը այսօրվա դրությամբ ամենաազգայինն ու ամենաժողովրդավարականն է, իսկ ժողովրդավարական ուժերը կանեն ամեն հնարավորը, որ ընտրություններն անցնեն առանց խախտումների: Միաժամանակ այսօր դեռ ընտրապայքարը չսկսված, ապագա երեւակայական խախտումների մասին բարձր գոռացողներին խորհուրդ ենք տալիս. եթե ունեք կոնկրետ նկատառումներ` ներկայացրեք դրանք, սակայն ինքներդ առաջինը մի խախտեք օրենքը:

ТРЕТЬЕ ПРИШЕСТВИЕ ПОЛИТИЧЕСКОГО ШАРЛАТАНА АМАЯКА ОГАНЕСЯНА

(первое по избирательному списку Народной партии Армении светлой памяти Карена Демирчяна, потом – партии “Национальное Единение” и вот теперь по избирательному списку партии “Баргавач Айастан”)

23.03.-26.03.2012, Иравунк

В партии “Национальное Единение” действует внутренняя договоренность: не комментировать бредни шарлатанов, представителей сексуальных меньшинств и прочей подобной публики, ибо мы понимаем, что любой отклик на их бездарную деятельность является своего рода рекламой для них. Однако опыт показывает, что время от времени обществу просто необходимо напоминать о том, кем они являются на самом деле.

Итак, можно было бы не обращаться к последним приключениям Амаяка Оганесяна, мастерски пользующегося хной-басмой для окраски своих волос до самых корней, чье политическое поведение было изначально аморально, однако его интервью, напечатанное в одной из вчерашних газет не могло оставить нас равнодушными. Сей субъект разглагольствует о морали, более того намеренно пытается очернить Президента республики Сержа Саргсяна, заявляя, что “…в последнее время Серж Саргсян утратил всякое представление о морали. И если известный президент Людовик XIV (Амаяк настолько потерял голову, что называет французского короля президентом – А.С.) говорил: “Государство – это я”, то Серж Саргсян несколько перефразировав его, говорит: нравственен тот, кто поддерживает меня, тот, кто выражает мне свою благосклонность”. Что это – попытка еще до начала предвыборной борьбы вызвать напряженность между Республиканской партией Армении и партией “Баргавач Айастан”, политическими силами, которые в нынешнем Национальном Собрании тесно сотрудничают в составе правящей коалиции и соблюдают корректность в политической борьбе? А может мы имеем дело с простым расчетом: еще до старта избирательной кампании создать искусственную напряженность в политическом пространстве и тем самым способствовать осуществлению мечты первого и второго президентов, а именно: любой ценой дестабилизировать внутриполитическую ситуацию в стране, ослабить позиции Республиканской партии и ее лидера, чтобы они были вынуждены пойти на сотрудничество либо с Левоном Тер-Петросяном, либо с Робертом Кочаряном. Да, я не ошибся, назвав имя Роберта Кочаряна, поскольку считаю, что лидер “Баргавач Айастан” Гагик Царукян никогда бы не позволил себе заниматься подобными интригами, да к тому же посредством всем известной бестолочи, чей биологический вид просто противопоказан человеческим качествам Гагика Царукяна. Подобные шаги со стороны команды Кочаряна были вполне ожидаемы, особенно после его недавнего визита в Москву, окончившегося полным провалом. За столько времени второй президент так и не понял одну простую истину: политическая власть России, нашего стратегического партнера, никогда не поддержит политика, чье имя на Родине ассоциируется с убийствами или коррупционными сделками на баснословные суммы. И лишь терпимостью и исключительными способностями к государственному мышлению Республиканской партии Армении и в особенности ее лидера Сержа Саргсяна обусловлен тот факт, что “подвиги” его предшественника по сей день остаются без последствий (действующий Президент РА, будучи героем Арцахской освободительной борьбы, никогда не допустит, чтобы другой герой этой борьбы, Роберт Кочарян, оказался на скамье подсудимых).

ՔԱՂԱՔԱԿԱՆ ՅԱԼԱՆՉԻ ՀՄԱՅԱԿ ՀՈՎՀԱՆՆԻՍՅԱՆԻ ԵՐՐՈՐԴ ԳԱԼՈՒՍՏԸ

(սկզբից երջանկահիշատակ Կարեն Դեմիրճյանի` ՀԺԿ-ի, հետո «Ազգային Միաբանություն կուսակցության», հիմա էլ «Բարգավաճ Հայաստան» կուսակցության ընտրացուցակով)

23.03-26.03.2012, Իրավունք

«Ազգային Միաբանություն կուսակցությունում» կա ներքին պայմանավորվածություն` չանդրադառնալ յալանչիների, սեռական փոքրամասնությունների և նմանատիպ տարրերի բարբաջանքներին, քանզի գիտակցում ենք, որ նրանց ապաշնորհ գործունեության յուրաքանչյուր արձագանք յուրովի գովազդ է վերջիններիս համար: Սակայն փորձը ցույց է տվել, որ երբեմն-երբեմն պարզապես անհրաժեշտ է մեր հասարակությանը հիշեցնել դրանց ով լինելու իրողությունը:

Եվ այսպես, մինչև հնա-բասմայով ներկած մազերի արմատներն անբարոյական քաղաքական վարքագիծ ունեցող Հմայակ Հովհաննիսյանի վերջին արկածներին կարելի էր չանդրադառնալ, սակայն երեկ թերթերից մեկում հրապարակված նրա հոդվածը չէր կարող մեզ անտարբեր թողնել: Սույն տարրը խոսում է բարոյականությունից, ավելին միտումնավոր փորձում է ցեխ շպրտել Հանրապետության Նախագահ Սերժ Սարգսյանի վրա, ասելով` «… Սերժ Սարգսյանը վերջերս իսկապես կորցրել է պատկերացումը, թե ի՞նչ է բարոյականությունը: Եվ, եթե հայտնի Լյուդովիկոս XIV նախագահն (Հմայակը այն աստիճան է իրեն կորցրել, որ Ֆրանսիայի թագավորին նախագահ է անվանում - Ա.Ս.) ասում էր` «Պետությունը դա ես եմ», ապա Սերժ Սարգսյանը մի քիչ ձևափոխել է և ասում է` նրանք են բարոյական ովքեր ինձ պաշտպանում են, նրանք են բարոյական, ովքեր ինձ արտահայտում են իրենց բարերարությունը»: Ի՞նչ է սա. նախընտրական պայքարը դեռ չսկսած հրահրել լարվածություն Հայաստանի Հանրապետական և «Բարգավաճ Հայաստան» կուսակցությունների միջև, քաղաքական ուժեր, որոնք ներկայիս Ազգային ժողովում սերտորեն համագործակցում են իշխող կոալիցիայի կազմում, ովքեր այժմ էլ դրսևորում են քաղաքական պայքարում կոռեկտության կանոնները: Իսկ միգուցե սա պարզունակ հաշվարկ է. դեռ ընտրապայքարը չսկսված` արհեստական լարվածություն ստեղծել քաղաքական դաշտում, դրանով իսկ նպաստելով հանրապետության առաջին և երկրորդ նախագահների երազանքի կատարմանը, այն է` ամեն գնով ապակայունացնել երկրի ներքաղաքական իրավիճակը, թուլացնել Հանրապետական կուսակցության և նրա առաջնորդի դիրքերը, որպեսզի նրանք հարկադրված լինեն համագործակցել կա՛մ Լևոն Տեր-Պետրոսյանի, կա՛մ էլ Ռոբերտ Քոչարյանի հետ: Այո՛, ես չսխալվեցի` նշելով Ռոբերտ Քոչարյանի անունը, որովհետև, կարծում եմ, «Բարգավաճ Հայաստան» կուսակցության առաջնորդ Գագիկ Ծառուկյանն իրեն երբեք թույլ չէր տա զբաղվել նման բանսարկություններով, այն էլ` հայտնի յալանչու միջոցով, ում կենսաբանական տեսակը հակացուցված է Գագիկ Ծառուկյան մարդկային տեսակին: Նման քայլեր պարոն Քոչարյանի ճամբարից միանգամայն սպասելի էին, հատկապես վերջերս Մոսկվա կատարած նրա հիմնովին ձախողված հանդիպումից հետո: Այսքան ժամանակ երկրորդ նախագահը չհասկացավ մի պարզ ճշմարտություն, որ մեր ռազմաքաղաքական դաշնակից Ռուսաստանի քաղաքական իշխանությունները երբեք ու երբեք չեն սատարի այնպիսի գործչի, ում անունն իր իսկ հայրենիքում կապվում է սպանությունների կամ մեծածավալ գումարների կոռուպցիոն գործարքների հետ: Եվ միայն ու միայն Հանրապետական կուսակցության և հատկապես նրա առաջնորդ Սերժ Սարգսյանի հանդուրժողականությամբ ու պետական մտածելակերպի բացառիկ ունակությամբ է պայմանավորված այն, որ իր նախորդի «սխրանքները» մինչ օրս մնում են անհետևանք (ՀՀ գործող Նախագահը, լինելով Արցախի ազատամարտի հերոս, երբեք թույլ չի տա, որ այդ ազատամարտի մեկ այլ հերոս` Ռոբերտ Քոչարյանը, հայտնվի մեղադրյալի աթոռին):

ԱՐՏԱՇԵՍ ԳԵՂԱՄՅԱՆ. ԵՎՐԱՍԻԱԿԱՆ ՄԻՈՒԹՅԱՆ ԿԱՅԱՑՈՒՄԸ` ԽԱՂԱՂՈՒԹՅԱՆ ԵՎ ԶԱՐԳԱՑՄԱՆ ԳՈՐԾՈՆ ԼԻՍԱԲՈՆԻՑ ՄԻՆՉԵՎ ՎԼԱԴԻՎՈՍՏՈԿ

13.03.2012, Իրավունք

ՆԱԽԱԲԱՆԻ ՓՈԽԱՐԵՆ

Վերջերս` փետրվարի 26-ին, Ստամբուլում եւ թուրքական մի շարք այլ քաղաքներում տեղի ունեցան իշխանությունների կողմից արտոնված հանրահավաքներ` կապված Լեռնային Ղարաբաղի Հանրապետության մայրաքաղաք Ստեփանակերտի մերձակա Խոջալու ավանի իրադարձությունների 20-ամյակի հետ: Ընդ որում` մասնավորապես Ստամբուլի Թաքսիմ հրապարակում ադրբեջանցիների կազմակերպած հակահայկական ակցիաներին մասնակցում էին Թուրքիայի առաջատար մի շարք քաղաքական ուժերի ներկայացուցիչներ, ինչպես նաեւ այդ երկրի ներքին գործերի նախարար Իդրիս Նաիմ Շահինը եւ Ստամբուլի նահանգապետ Հուսեյն Ավնի Մութլուն: Ցույցերի մասնակիցները տանում էին պաստառներ նողկալի մակագրություններով. «Դուք` բոլոր հայերդ, դուք բոլորդ տականքներ եք», «Այսօր Թաքսիմը, վաղը` Երեւանը. մենք հանկարծ կհայտնվենք ձեզ մոտ, գիշերով», «Դուք` բոլոր հայերդ, վիժման զոհեր եք», «Մուբարիզ, մենք բոլորս կշարունակենք քո արդար գործը» (խոսքը երեք քնած հայի սպանող Մուբարիզ Ահմեդովի մասին է), «Օգյուն, դու մեր Գորշ գայլն ես» (սա արդեն Հրանտ Դինքին սպանող Օգյուն Սամասթի մասին է):
Եվրամիությունը, դեպի ուր, ի դեպ, վաղուց ձգտում է Թուրքիան, մտահոգություն է արտահայտել հակահայկական հանրահավաքների առիթով: Եվրահանձնաժողովն Անկարային հիշեցրել է, որ վերջինը ցայսօր օրենք չի ընդունել կրոնական փոքրամասնությունների հանդեպ էթիկայի վերաբերյալ: «Նոր օրենսդրության անհրաժեշտություն կա, որը թույլ կտար արդյունավետորեն հետապնդել ատելության հրահրման դեպքերը»,- ասվում է Եվրոպական հանձնաժողովի պաշտոնական հայտարարությունում: Ինչպես եւ պետք էր սպասել, թուրքական իշխանությունները բավական ինքնատիպ կերպով արձագանքեցին այդ նացիստական, մարդատյաց ակցիաներին: Այսպես, Թուրքիայի արտաքին գործերի նախարար Ահմեդ Դավութօղլուն հրապարակավ արտահայտվեց այն մասին, թե Խոջալուի հիշատակին նվիրված ակցիաների կազմակերպումը բնական եւ անհրաժեշտ երեւույթ է. «Մեր ադրբեջանցի եղբայրների ցավը կիսելը մեր պարտքն է, բայց նման կարգախոսները, ովքեր էլ որ դրանք հնչեցնեն, անընդունելի են»,- ասել է դիվանագետը, դրա հետ մեկտեղ չհիշատակելով, որ նացիստական այդ գինարբուքը Թաքսիմի հրապարակում տեղի էր ունենում ներքին գործերի նախարարի եւ Ստամբուլի նահանգապետի մասնակցությամբ: Խոր ափսոսանք է առաջացնում այն, որ փետրվարի 26-ին Ստամբուլի Թաքսիմ հրապարակում ադրբեջանցիների կազմակերպած հակահայկական ֆաշիստական այդ ակցիային մասնակցել է ԱՄՆ պետքարտուղարի տեղակալի նախկին օգնական, Ղարաբաղյան հակամարտության կարգավորման գծով ԵԱՀԿ Մինսկի խմբի նախկին համանախագահ, մինչեւ վերջերս Ադրբեջանում ԱՄՆ դեսպան Մեթյու Բրայզան: Եվ ամենեւին էլ պատահական չէ, որ նրա անունն ադրբեջանական լրատվամիջոցները հիշատակում են նացիստական այս խրախճանքի գլխավոր կազմակերպիչների եւ ֆինանսիստների հետ նույն շարքում:
Ընթերցողներին հիշեցնենք, որ 1992թ. փետրվարի 25-26-ին Լեռնային Ղարաբաղի Հանրապետության ինքնապաշտպանության զորքերը կազմակերպեցին ռազմական գործողություն` Խոջալու բնակավայրի մերձակայքում գտնվող, ԼՂՀ-ում միակ օդանավակայանն ապաշրջափակելու եւ հենց Խոջալուում գտնվող հակառակորդի կրակակետերը վնասազերծելու նպատակով, որոնք «Գրադ» կայանքներից գնդակոծում էին իրենց հասանելիության գոտում գտնվող կենդանի ամեն ինչ: ԼՂՀ ինքնապաշտպանության ուժերի` Խոջալուն գրոհող ստորաբաժանումները բնակավայրի խաղաղ բնակիչներին մարտական գործողությունների գոտուց անվտանգ հեռանալու միջանցք տրամադրեցին, ինչի մասին ադրբեջանական կողմին նախապես զգուշացվել էր: Բայց Ադրբեջանի իշխանությունները ոչինչ չձեռնարկեցին խաղաղ բնակչությանը մարտական գործողությունների գոտուց դուրս բերելու համար: Ավելին, խաղաղ բնակիչների շարասյունը գնդակահարվեց ադրբեջանական զինված ուժերի կողմից վերահսկվող տարածքում: Այդ ողբերգական իրադարձությունների թեժ հետքերով 1992թ. ապրիլի 2-ին «Նեզավիսիմայա գազետա»-ում Ադրբեջանի նախագահ Այազ Մութալիբովը հարցազրույց տվեց չեխ լրագրողուհի Դանա Մազալովային, որից հետո նա դարձավ հալածանքների զոհ իր երկրում` Ադրբեջանում: Պատճառն Ադրբեջանի առաջին նախագահի ավելորդ անկեղծությունն էր, որը հետագայում նրան իմփիչմենթ արժեցավ: Որոշ մեջբերումներ ներկայացնենք Ադրբեջանի նախկին նախագահ Այազ Մութալիբովի` չեխ լրագրողուհի Դանա Մազալովային տված հարցազրույցից («ՆԳ», 2.04.92): Թղթակցուհու «ի՞նչ եք մտածում Խոջալուի իրադարձությունների մասին, որոնցից հետո դուք պաշտոնաթող եղաք: Խոջալվեցիների դիակները գտնվել են Աղդամից ոչ հեռու: Ինչ-որ մեկը սկզբում ոտքերին է կրակել, որպեսզի չկարողանան հեռանալ: Հետո խփել է կացնով, փետրվարի 29-ին իմ գործընկերները նկարահանել են նրանց: Նոր նկարահանումների ժամանակ, մարտի 2-ին, այդ նույն դիակները գանգամաշկ են արվել: Ինչ-որ տարօրինակ խաղ է...» հարցին Այազ Մութալիբովը պատասխանել է այսպես. «Ինչպես ասում են այն նույն խոջալվեցիները, որոնք փրկվել են, այդ ամենը կազմակերպվել է, որպեսզի առիթ լինի իմ հրաժարականի համար... Կարելի է ենթադրել, որ ինչ-որ մեկը շահագրգռված էր, որ հետո ցուցադրեր այդ կադրերը Գերագույն խորհրդի նստաշրջանում եւ ամեն ինչ կենտրոնացներ իմ անձի վրա: Եթե հայտարարում եմ, թե դա ադրբեջանական ընդդիմության մեղքն է, կարող են ասել, թե ես նրանց զրպարտում եմ: Բայց դատողությունների ընդհանուր ֆոնն այնպիսին էր, որ այն միջանցքը, որով մարդիկ կարող էին հեռանալ, հայերը, այնուամենայնիվ, թողել էին: Այդ դեպքում, ինչո՞ւ պետք է նրանք կրակեին: Մանավանդ Աղդամին մոտ տարածքում, որտեղ այն ժամանակ արդեն բավականաչափ ուժեր կային, որպեսզի դուրս գային եւ օգնեին մարդկանց կամ էլ պարզապես պայմանավորվեին, որ խաղաղ բնակիչները հեռանան: Նման պրակտիկա միշտ է եղել»: