ԵԿԵԼ Է ՄԱՐՏԱՀՐԱՎԵՐՆԵՐԻՆ ԱԶԳՈՎԻ ԴԻՄԱԿԱՅԵԼՈՒ ԺԱՄԱՆԱԿԸ

02.02.2013, Հայոց աշխարհ

Մեր հարցերին ի պատասխան՝ ԱԻՄ առաջնորդ, նախագահի թեկնածու Պարույր Հայրիկյանի նկատմամբ նախօրեին տեղի ունեցած մահափորձի վերաբերյալ իր տեսակետներն է ներկայացնում «Ազգային միաբանություն» կուսակցության ղեկավար, ՀՀԿ խորհրդարանական խմբակցության անդամ ԱՐՏԱՇԵՍ ԳԵՂԱՄՅԱՆԸ

-Պարոն Գեղամյան, ինչպե՞ս կբնութագրեք ստեղծված իրավիճակը` պայմանավորված ՀՀ նախագահի թեկնածու Պարույր Հայրիկյանի դեմ կատարված մահափորձով:

-Եզրակացություններ անելուց առաջ վերհիշենք, թե ինչ իրադարձություններ նախորդեցին քարոզարշավին: Դեռ 2012թ. սեպտեմբերից գրեթե բոլոր լրատվամիջոցները միահամուռ արծարծում էին ՀԱԿ-ի եւ «Բարգավաճ Հայաստան» կուսակցության` նախագահական առաջիկա ընտրություններին միասնական թեկնածուով հանդես գալու հարցը: Որպես նախագահի միասնական թեկնածու շրջանառվում էին Լեւոն Տեր-Պետրոսյանի եւ Վարդան Օսկանյանի անունները:

Այս կապակցությամբ մեծ ոգեւորություն էր տիրում համաշխարհային քաղաքականության ուժի որոշակի կենտրոններից սնվող գրանտակերների եւ հայտնի կուսակցապետերի շրջանում: Հայաստան ժամանած օտարերկրյա բարձրաստիճան պաշտոնյաներն իրենց պարտքն էին համարում պարտադիր այցելել կոնգրեսի առաջնորդին եւ «Բարգավաճ Հայաստան» կուսակցության ընտրացուցակում երկրորդ համարի տակ ԱԺ պատգամավոր դարձած Վարդան Օսկանյանին:

ԼԱՎԱԳՈՒՅՆ ԳՈՐԾԻՉԸ

01.02.2013, Հայոց աշխարհ

«Իրավունք» թերթը նախորդ տարվա լավագույն քաղաքական գործիչ է ճանաչել «Ազգային միաբանություն» կուսակցության, նախագահ Արտաշես Գեղամյանին:
Թերթի խմբագրական խորհրդի նախագահ Հայկ Բաբուխանյանը երեկ նշեց, որ իրենց այս որոշումը միաձայն եւ միանշանակ էր, քանզի «իրենց կարծիքով` քաղաքական գործիչը պետք է լինի Արտաշես Գեղամյանի նման»: «Կա տենդենց, որ քաղաքական գործիչները սկսում են քիչ ներկայանալ եւ ներկայացնել ծրագրեր, հանդես գալ հրապարակային ելույթներով, իսկ Գեղամյանը 2012-ին բազմիցս հանդես է եկել Ազգային ժողովում, ինչպես նաեւ հրապարակախոսական ու ծրագրային հոդվածներով»,- ասաց Բաբուխանյանը` ընդգծելով, որ Ա.Գեղամյանը նաեւ արտաքին քաղաքականության ոլորտում է նշանակալի գործունեություն ծավալել:

ԻՆՉ ՆՊԱՏԱԿՈՎ ԵՆ ՓՈՐՁՈՒՄ ՍՏՎԵՐ ԳՑԵԼ ԸՆՏՐՈՒԹՅՈՒՆՆԵՐԻ ՎՐԱ

25.01.2013, Իրավունք

Մեր տարածաշրջանն այսօր հայտնվել է խիստ պայթյունավտանգ զարգացումների կիզակետում: Սիրիայում շարունակվող արյունահեղությունը, որն ամեն օր նորանոր զոհեր է տանում, այդ թվում և խաղաղ հայ բնակիչներից, գնալով թևակոխում է ավելի ու ավելի վտանգավոր փուլ: Արդեն իսկ նշմարվում է, որ ներկա մոտեցումները այդ հակամարտության հանգուցալուծմանը, պառակտել են համաշխարհային քաղաքականության ուժային կենտրոններին: Այսպես, երեկ հունվարի 23-ին Ռուսաստանի Դաշնության արտաքին գործերի նախարար Սերգեյ Լավրովը` հանդես գալով 2012թ. Ռուսաստանի արտաքին դիվանագիտական գերտեսչության կատարած աշխատանքի արդյուների մասին, լրագրողի այն հարցին` «Մարտին բոլորում է սիրիական ճգնաժամի մեկնարկի երկու տարին: Բազմաթիվ փորձերը հակամարտող կողմերին դրդել երկխոսության` ձախողվել են: Ըստ Ձեզ, հնարավո՞ր է արդյոք, հակամարտության խաղաղ կարգավորումը», ի պատասխան հայտարարեց. «Արևմուտքի կողմից հակամարտող կողմերին բանակցությունների սեղանի շուրջ նստեցնելու փորձեր չեն ձեռնարկվել: Այդ ուղղությամբ ջանքեր են գործադրել միայն Ռուսաստանը, Չինաստանը, ՄԱԿ-ի և Արաբական երկրների Լիգայի հատուկ ներկայացուցիչ Քոֆի Անանի ու այդ պաշտոնում նրան  փոխարինած Լահդար Բրահիմը»: Նշենք նաև, որ, ինչպես հաղորդում է իրանական «Ֆարս» լրատվական գործակալությունը Սիրիայի նախագահ Բաշար Ասադը ս.թ. հունվարի 21-ին հրապարակավ մեղադրել է Թուրքիային` իր երկրի նկատմամբ պետական ահաբեկչական քաղաքականություն իրականացնելու համար: Այս համատեքստում նկատենք նաև, որ երեք օր առաջ էլ Իսրայելի վարչապետ Բինյամին Նեթանյահուն` հայտարարելով իր գլխավորած իշխող կոալիցիայի հաղթանակի մասին Իսրայելի Քնեսետի (պառլամենտի) օրերս անցկացված ընտրություններում, ուղղակի հայտարարել է, որ Իսրայելի նոր կառավարությունը կանի ամեն հնարավորը, որպեսզի Իրանին թույլ չտա դառնալ միջուկային տերություն:

ԹՈՂ ԽԵԼՔԻ ՄՆԱՑՈՐԴՆԵՐԸ ԳԼՈՒԽԸ ՀԱՎԱՔԻ

23.01.2013, Հայոց աշխարհ

Նախագահի թեկնածուներից ոմանք փորձում են օգտվել այն հանգամանքից, որ հանրապետության նախագահ Սերժ Սարգսյանը կոչ է արել թե՛ իր կողմնակիցներին, թե՛ մրցակիցներին դրսեւորել հանդուրժողականություն եւ քարոզարշավի հիմքում դնել հանուն Հայաստանի Հանրապետության կարգախոսը։
Ավաղ, նախագահ թեկնածու Արամ Հարությունյանը, օգտվելով այն հանգամանքից, որ Սերժ Սարգսյանին սատարող քաղաքական ուժերը եւ դրանց լիդերները անտարակույս հարգելու են նախագահի հորդորը, իրեն իրավունք վերապահեց Հանրային հեռուստաընկերության եթերից լկտի արտահայտություններ թույլ տալ մասնավորապես իմ հասցեին։
Հարկ եմ համարում զգուշացնել սույն տարրին, որ խելքի մնացորդները գլուխը հավաքի եւ հաշտվի այն մտքի հետ, որ նրա նոսրացող բեղ-մորուսի քանակով գրված հոդվածներ ու գրքեր ունեմ։ Իսկ դրանք, ի թիվս այլ խնդիրների լուծման, խնդիր ունեն նաեւ ոչ անհույս բթամիտներին դարձի բերել։

ԱՐՏԱՇԵՍ ԳԵՂԱՄՅԱՆ