Մոռացության մատնված ԼՏՊ-ի վերջին եւ անհույս փորձերին ըմբռնումով ենք վերաբերում

24.11.2017, Իրավունք

ՀՀ առաջին նախագահ Լեւոն Տեր-Պետրոսյանի անկում ապրող քարոզչամեքենան` այսօր իր մասին որոշել է հիշեցնել իր թերթերից մեկի շապիկին հիշատակելով ԱԺ պատգամավորներ «Ազգային միաբանություն» կուսակցության նախագահ Արշատես Գեղամյանի եւ ՍԻՄ կուսակցության նախագահ Հայկ Բաբուխանյանի անունները, այնուհետեւ շարադրել մտքեր, որը որեւէ աղերս չուներ հոդվածում ի սկզբանե հիշատակված պատգամավորների անվան հետ: Արձագանքնելով վերոնշյալին` «Իրավունքի» հետ զրույցում «Ազգային միաբանության» կուսակցության փոխնախագահ, ՀԽՍՀ ներքին գործերի նախարար ԼԵՎՈՆ ԳԱԼՍՏՅԱՆՆ ասաց, որ ընթերցելով այդ հոդվածն` անմիջապես կարելի է տեսնել նրա հետեւում կանգնած Լեւոն Տեր-Պետրոսյանի խուլ ականջները:

 ՀԱՅԱՍՏԱՆԻ ՄԱՍՆԱԿՑՈՒԹՅԱՄԲ` ԵՎՐԱՄԻՈՒԹՅԱՆ ՄԵՍԻՋԸ ՌՈՒՍԱՍՏԱՆԻՆ

01.12.2017, Իրավունք

ՀՀ Ազգային ժողովի Արտաքին հարաբերությունների հանձնաժողովի նիստում «Հայաստանի Հանրապետության մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ՀՀ Աժ հայտարարության նախագծի վերաբերյալ հարցի քննարկման Ժամանակ Արտաշես Գեղամյանի ելույթի ամբողջական տեքստը (29 նոյեմբերի 2017 թ.)

– Երբ նման, ըստ իս, բախտորոշ հարց է քննարկվում, անպայման մենք պարտավոր ենք մեզ հաշիվ տալ, թե աշխարհաքաղաքական ինչպիսի զարգացումների պայմաններում է այս հարցը արծարծվում: Ուրեմն, աշխարհաքաղաքական զարգացումներ ասելով ի նկատի ունեմ վերջին շրջանում տեղի ունեցած մի քանի իրողություններ:

Իրողություն թիվ 1. Նոյեմբերի 11-ին Վիետնամում` Դանանգում, Միացյալ Նահանգների նախագահ Դոնալդ Թրամպը և Ռուսաստանի Դաշնության նախագահ Վլադիմիր Պուտինը ստորագրեցին աննախադեպ հայտարարություն Սիրիայի հարցում համագործակցելու և ահաբեկչության առաջն առնելու կապակցությամբ: Սրանից 17 օր առաջ էլ Թուրքիայի նախագահ Ռեջեփ Թայիբ Էրդողանը պաշտոնական այցով ժամանեց Սոչի: Մինչ Ռուսաստանում իր պաշտոնակցի հետ հանդիպելը` Էրդողանը Սիրիայի հարցից զատ հայտարարել էր, որ այնտեղ ՌԴ նախագահի հետ քննարկելու էր նաև Լեռնային Ղարաբաղի հակամարտության կարգավորման հարցը: Նշենք, որ նոյեմբերի 13-ին Սոչիում տեղի ունեցած բանակցությունների ավարտին, ինչպես հաղորդում է star.com.tr կայքը, Թուրքիայի առաջնորդը փաստացի ընդունել էր, որ Մոսկվան չի պատրաստվում այդ հարցում ճնշում գործադրել Հայաստանի վրա, ինչին անհամբեր սպասում էին Անկարան և Բաքուն: «Մենք պարոն Պուտինի հետ քննարկել ենք Լեռնային Ղարաբաղի պրոբլեմը: Ռուսաստանն ազդեցություն ունի Հայաստանի վրա: Ավելի վաղ կար ընդունված որոշում 7 օկուպացված շրջաններից 5-ի վերաբերյալ: Մենք կանգ առանք նրա վրա, որ պետք է կատարվեն այդ որոշումները. Պարոն Պուտինը դրական է տրամադրված, բայց, ինչպես ես հասկացա, հատուկ հույսեր չի փայփայում: Ես կարծում եմ, որ նրա անհուսությունը կապված է երկու երկրների (Հայաստանի և Ռուսաստանի-խմբ.) հարաբերություններով»,- ասել էր Ռ. Էրդողանը:

 ԱՐՏԱՇԵՍ ԳԵՂԱՄՅԱՆ. ԽՈՐՀՐԴԱԾՈՒԹՅՈՒՆՆԵՐ ՄԻՋԽՈՐՀՐԴԱՐԱՆԱԿԱՆ ՀԱՆՁՆԱԺՈՂՈՎԻ 30-ՐԴ ՆԻՍՏԻ ՆԱԽՕՐԵԻՆ

31.10.2017, Իրավունք

31.10.2017, Հայոց աշխարհ

Եվ այսպես, 2017թ. նոյեմբերի 2-3-ին Երևանում տեղի կունենա Ռուսաստանի Դաշնության Դաշնային ժողովի և Հայաստանի Հանրապետության Ազգային ժողովի միջև համագործակցության Միջխորհրդարանական հանձնաժողովի (այսուհետ՝ ՄԽՀ- Ա.Գ.) 30-րդ նիստը։ ՄԽՀ նիստի գլխավոր թեման է լինելու՝ «Փոխշահավետ ինտեգրացիոն գործընթացների զարգացումը տնտեսության բնագավառում՝ ի կատարումն Ռուսաստանի Դաշնության Դաշնային ժողովին Ռուսաստանի Դաշնության նախագահ Վ.Վ. Պուտինի Ուղերձի և Հայաստանի Հանրապետության Ազգային ժողովին Հայաստանի Հանրապետության նախագահ Ս.Ա. Սարգսյանի Ուղերձի»։ Թեմայի ընտրությունն, առաջին հերթին, պայմանավորված է նրանով, որ Ռուսաստանի և Հայաստանի նախագահներն իրենց ուղերձներում (2016թ. դեկտեմբերի 1-ին և 2017թ. մայիսի 18-ին) որակապես նոր խնդիրներ առաջադրեցին, որոնք համահունչ են արդի մարտահրավերներին։ Ավելին, հայ-ռուսական համագործակցությանը նոր ազդակ հաղորդեց ՌԴ կառավարության ղեկավար Դմիտրի Անատոլևիչ Մեդվեդևի՝ ս.թ. հոկտեմբերի 24-ին կայացած պաշտոնական այցը ՀՀ, որի ընթացքում ՌԴ և ՀՀ կառավարությունների միջև ստորագրվեցին համաձայնագրեր միջազգային ավտոմոբիլային հաղորդակցության, ռոումինգում միջազգային էլեկտրակապի ծառայության սակագների նվազեցման վերաբերյալ փոխըմբռնման, ինչպես նաև արտադրական անվտանգության կանոնակարգման ոլորտում համագործակցության մասին։

ԱՐՏԱՇԵՍ ԳԵՂԱՄՅԱՆ. ՉԳՆԱԼ ՍԱՅԹԱՔՈՒՆ ՃԱՆԱՊԱՐՀՈՎ

20.10.2017, Իրավունք

2017 հոկտեմբերի 18-ին ԱԺ Պետա-իրավական և մարդու իրավունքների պաշտպանության հարցերի մշտական հանձնաժողովը քննարկեց «Ելք» խմբակցության նախաձեռնությունը, որով առաջարկվում էր ստեղծել էթիկայի ժամանակավոր հանձնաժողով` ՀՀԿ խմբակցության պատգամավոր Արտաշես Գեղամյանի կողմից պատգամավորական էթիկայի կանոնների խախտման վերաբերյալ եզրակացություն հայտնելու համար: Ի սկզբանե նշենք, որ նախաձեռնողների կողմից ներկայացված փաստարկները այնքան մակերեսային և հում էին ու հեղեղուկ, որ հանձնաժողովի պրոֆեսիոնալ մակարդակով քննարկման արդյունքում «Ելք»-ականները հարկադրված էին հետ վերցնել նախագիծը` հարցին երկու շաբաթ անց անդրադառնալու պայմանով: Մեր թղթակիցը խնդրո առարկայի վերաբերյալ զրուցեց ԱԺ պատգամավոր, Ռուսաստանի Դաշնության Դաշնային ժողովի և Հայաստանի Հանրապետության Ազգային ժողովի միջև համագործակցության միջխորհրդրանական հանձնաժողովի համանախագահ Արտաշես Գեղամյանի հետ: