Մաքսային միությանը Հայաստանի անդամությունն անուղղակի կնպաստի նաև թոշակների բարձրացմանը. Արտաշես Գեղամյան

26.06.13, tert.am

Այն, ինչ ամրագրված է Մաքսային միության անդամ երկրների`Ռուսաստանի, Բելառուսի և Ղազախստանի 2009թ. նոյեմբերի 27-ից ուժի մեջ մտած Մաքսային միության մաքսային կոդեքսում, նախատեսում է մաքսա-սակագնային կարգավորում, ապրանքների անվտանգության վերահսկողություն, հարկային քաղաքականության նույնականացում, սակագնային պրեֆերենցիաների միասնական համակարգ, արտահանման վերահսկողություն և այլ նախապայմաններ: Ինչը հանգեցրել է նրան, որ այդ երկրներում, չհաշված առանձին բացառությունները, գործելու են նույն սակագները և նույն գները:

Այս մասին Tert.am–ի հետ զրույցում կարծիք հայտնեց §Ազգային միաբանություն¦ կուսակցության նախագահ, Ազգային ժողովի §Հանրապետական¦ խմբակցության անդամ Արտաշես Գեղամյանը, ում կարծիքով երեկ ՀՀ էներգետիկայի նախարար Արմեն Մովսիսյանի՝ §REGNUM¦ գործակալությանը տված հարցազրույցը, որում վերջինս ասում էր, թե Մաքսային միություն Հայաստանի անդամակցություն կնպաստի գազի և ուրանի գնի նվազմանը, ընդամենը անկեղծ և մասնագիտական գնահատական էր:

Չլինեին զույգ արձանագրությունները ԵԱՀԿ ԽՎ-ն գոհունակություն կհայտներ Թուրքիայի պատժիչ գործողություններին. Ա. Գեղամյան

14.11.2012, tert.am

Երբ արդեն հաստատված ավանդույթի համաձայն այս քառօրյային ևս «Ժառանգության» պատգամավորներից Զարուհի Փոստանջյանը, վարման կարգի հետ կապված, առաջարկեց հանել Ազգային ժողովի մեծ նստաշրջանի օրակարգում դրված հայ-թուրքական զույգ արձանագրությունները,ԱԺ «Հանրապետական» խմբակցության անդամ Արտաշես Գեղամյանը երեկ հանդես եկավ հայտարարությամբ, որի իմաստն այն էր, թե որքան լավ է, որ դրանք դեռ ներառված են օրակարգում:

«Ասել կուզի, եթե չլիներ այդ հանգամանքը և մեր նախագահի հեռատեսությունը չլիներ, այն է՝ որ նա չի հանում օրակարգից, իսկ օրակարգ ինքն է մտցրել, մեր դիրքերը շատ խոցելի կլինեին»,- Tert.am-ի հետ զրույցում հայտարարեց Արտաշես Գեղամյանը:

ԱՐՏԱՇԵՍ ԳԵՂԱՄՅԱՆԸ ՀԱՅՐԵՆԱԿԻՑՆԵՐԻՆ ՏՈՒՆ ԿԱՆՉԵԼՈՒ ՄԵԾ ՊՈՏԵՆՑԻԱԼ Է ՏԵՍՆՈՒՄ, ՔԱՆԶԻ

25.10.2012, tert.am

Հայաստանում ռուսական մասնավոր կապիտալի գործունեության մեջ առկա հսկայական ռեզերվները գործի դնելու դեպքում, մեր տնտեսությունն արագընթաց տեմպերով զարգացում կապրի, և այնպիսի ծավալների կհասնի, որ մենք հարկադրված կլինենք ինքներս կոչով դիմել մեր և՛ ԱՊՀ տարածքի, և՛ Միացյալ Նահանգների հայրենակիցներին, որ՝ «եկե՛ք տուն», քանզի հայ-ռուսական տնտեսական համագործակցությունը բոլորիս առաջ բացում է վիթխարի ասպարեզ, որը մարդկային ներուժ է պահանջում:

Այս մասին Tert.am-ի հետ զրույցում ասաց «Հանրապետական» խմբակցության անդամ, «Ազգային Միաբանություն կուսակցության» նախագահ Արտաշես Գեղամյանն, ով առաջիկայում պատրաստվում է հանդես գալ համապարփակ վերլուծությամբ, որտեղ կանդրադառնա հայ-ռուսական բարեկամության ու ռազմական-քաղաքական դաշնության հիմնական շերտերին: Նա չի խորշի անդրադառնալ նաև «Հայրենակիցներ» ծրագրին և այլ շերտեր պարունակող հարցերի:

Ի պատասխան հարցի, թե լայն հնարավորություններ ասելով նկատի ունի Եվրասիական Միությու՞նը, պարոն Գեղամյանն ասաց. «Ես առայժմ խոսում էի զուտ հայ-ռուսական համագործակցության մասին», իսկ ի պատասխան հարցի, թե այսինքն՝ հայ-ռուսական հարաբերություններում նոր վերե՞լք է նախանշում, ասաց, որ ընդամենն արձանագրում է, որ կան բոլոր նախադրյալները, որպեսզի ՀՀ-ն, համագործակցելով տնտեսական ոլորտում նախ և առաջ ՌԴ-ի և ինչու ոչ՝ Եվրասիական Միության հետ, մեր երկրի առաջ շատ մեծ հնարավորություններ բացի:

Ռուբեն Հայրապետյանը բարձր տղա է. Արտաշես Գեղամյան

12.07.2012, tert.am

ՀՀԿ խմբակցության պատգամավոր, «Ազգային միաբանության» նախագահ Արտաշես Գեղամյանն իր համերաշխությունն է հայտնում ՀՖՖ նախագահ, ԱԺ պատգամավոր Ռուբեն Հայրապետյանին և իր խորին ցավակցությունը` Վահե Ավետյանի ընտանիքին:

Այսօր ԱԺ-ում լրագրողների հետ հանդիպման ժամանակ անդրադառնալով Ռուբեն Հայրապետյանի մանդատը վայր դնելուն՝ Արտաշես Գեղամյանն ասաց. «Ռուբեն Հայրապետյանը շատ բարձր տղա է, շատ բարձր մարդկային հատկանիշներ ունոցող մարդ և հիմա, երբ չորս կողմից ինչ-որ հարձակումներ են գործում , հասել են նրան, որ իրա օջախի առաջ պիկետ անեն, Աստված կտա, ամեն ինչ կպարզվի, կպարզվեն այդ ստորները, որոնք Հայաստանում գրանցում չունեն և որոնք այս ամենը հրահրել են»:

Գեղամյանի կարծիքով շատ ու շատ մարդիկ այս ողբերգությունը քաղաքականացնում են: «Ավաղ, ստորաբար փորձում են ենթարկել իրենց քաղաքական նպատակներին, և դարձրել են ողբերգությունը շահարկումների առարկա»,- ասաց նա: