Երևանի նախկին քաղաքապետերը՝ Հայկ Մարությանի պաշտոնանկության պահանջի մասին

 30.06.3021, Armdaily

https://armdaily.am/?p=142876&l=am

ArmDaily.am-ը Երևանի նախկին քաղաքապետերից փորձեց ճշտել, թե ինչպես են վերջիններս գնահատում գործող քաղաքապետ Հայկ Մարությանի աշխատանքը և արդյոք վարչապետի գլխավոր խորհրդական Արայիկ Հարությունյանի պնդումը, թե նախորդ ընտրություններին քաղաքապետը բավականաչափ աջակցություն չի ցուցաբերել «Քաղաքացիական պայմանագիր» կուսակցությանը, բավարար հիմք է նրան պաշտոնանակ անելու համար։

ՏԵՍԱՆՅՈՒԹ, Ես դեմ եմ քվեարկելու Նիկոլ Փաշինյանին. Արտաշես Գեղամյան

03.05.2018, Armlur

ArmLur.am-ի հետ զրույցում ՀՀԿ խմբակցության պատգամավոր Արտաշես Գեղամյանը հայտարարեց, թե դեմ է քվեարկելու Նիկոլ Փաշինյանի թեկնածությանը:

«Երկրորդ նախագահը մի անգամ խոստովանեց, որ գիրք կարդալ չի սիրում». ում է գիրք նվիրել Արտաշես Գեղամյանը

22.02.2018, Armlur

Փետրվարի 19-ին Հայաստանում նշվում է որպես Գիրք նվիրելու օր: ԱԺ ՀՀԿ խմբակցության պատգամավոր Արտաշես Գեղամյանը «Ժողովուրդ» օրաթերթի հետ զրույցում ասաց, որ միայն իր հեղինակած գրքերն է նվիրում ընկերներին: Իսկ ի՞նչ գիրք է նվեր ստացել գործիչը. «Ամիսներ առաջ խնդրել էի ընկերներիցս մեկին, որպեսզի Մոսկվայից ինձ համար «Միր-սիստեմա մոդերնա» գիրքը ձեռք բերեր: Եվ, փաստորեն, նա չէր մոռացել ու տոնի առթիվ այնտեղից ուղարկել էր ինձ այդ գիրքը: Շատ հետաքրքիր գործ է, որի հեղինակն ամենապայծառ ուղեղներից մեկն է` Իմմանուիլ Վալլերստայնը: 1-ին եւ 2-րդ հատորներին համացանցից ծանոթ էի, իսկ հիմա ունեմ արդեն 3-րդն ու 4-րդը: Սա ընթերցելով` հասկանում ես` թվում է, թե առաջընթաց է, բայց մարդկությունը նույնն է մնացել»: Հարցին` ո՞րն է եղել վերջին կարդացած գիրքը, Գեղամյանն ասաց, որ զուգահեռաբար մի քանիսն է ընթերցում` հիմնականում աշխարհաքաղաքական թեմաներով: Հետաքրքրվեցինք նաեւ, թե պատգամավորներից ո՞ւմ մոտ է նկատում ընթերցանության պակաս, Գեղամյանն ասաց. «Նման խնդիր չեմ դրել իմ առջեւ, որ փորձեմ հասկանալ` ով չի սիրում ընթերցել: Բայց հիշում եմ, որ երկրորդ նախագահը մի անգամ խոստովանեց, որ գիրք կարդալ չի սիրում»: Պատգամավորն ընդգծեց նաեւ, որ ընթերցանությունը քաղաքականության մեջ բավական օգնում է:

Եթե երիտասարդը երրորդ անգամ դատվի, ապա մեղավորը ես չեմ լինի. Արտաշես Գեղամյան` Նիկոլ Փաշինյանի հետ բախման մասին

17.10.2017, Armlur.am

ԱԺ ՀՀԿ խմբակցության պատգամավոր Արտաշես Գեղամյանը ողջունում է «Ելք» խմբակցության կողմից՝ ԱԺ էթիկայի հարցերով ժամանակավոր հանձնաժողով ստեղծելու նախաձեռնությունը, որը պետք է ուսումնասիրի օրեր առաջ խորհրդարանում գրանցված Գեղամյան-Փաշինյան միջադեպը: ArmLur.am-ի հետ զրույցում նա տեսակետ հայտնեց, որ ուսումնասիրության ընթացքում պարզ կդառնա, որ քաղաքական բանավեճից Նիկոլ Փաշինյանը խուսափել է՝ խնդիր ունենալով խեղաթյուրել, խնդիր ունենալով վիրավորել: «Եթե այդ ամենը բացահայտվի, ապա պարզ կդառնա, որ մենք գործ ունենք սովորական սադրիչի հետ, որը դրանից հետո ինքն իր նախաձեռնությամբ գրել է, թե կոշիկներ է փայլացրել իմ հագուստի վրա: Այդ ամենի համար պետք է քաղաքական գնահատական տրվի: Եթե դա չտրվեց, ապա ակնհայտ կլինի այս կամ այն պատգամավորի կողմնակալ լինելու փաստը», – նշեց նա: