- Մանրամասները
«Ազգային Միաբանության» նախագահության անդամները հանդիպել են ՀՀ-ում Հնդկաստանի դեսպանին
18.02.2016, Արմենպրես
19.02.2016, Հայոց աշխարհ
«Ազգային Միաբանություն» կուսակցության նախագահության անդամները կուսակցության Կենտրոնական գրասենյակում հանդիպել են ՀՀ-ում Հնդկաստանի արտակարգ և լիազոր դեսպան Ն.Գ. Սուրեշ Բաբու Թադիպանենի հետ, ով ավարտում է իր առաքելությունը Հայաստանում:
Ինչպես «Արմենպրես»-ին տեղեկացրին «Ազգային Միաբանություն» կուսակցության լրատվական ծառայությունից, հանդիպման ընթացքում, որն անցավ ջերմ մթնոլորտում, մտքեր են փոխանակվել հայ-հնդկական ավանդական բարեկամական հարաբերությունների խորացմանն ուղղված հարցերի շուրջ:
«Ազգային Միաբանություն» կուսակցության նախագահ Արտաշես Գեղամյանը դեսպանին հանձնել է օրեր առաջ լույս տեսած, իր հեղինակած գրքերը: Պրոֆեսոր Սուրեշ Բաբու Թադիպանեն գոհունակությամբ նշել է Հայաստանում անցկացրած տարիները և համոզմունք հայտնել, որ Հնդկաստանում մշտապես ջերմությամբ է հիշելու Հայաստանը և հայ ժողովրդին, այսուհետ մնալով մեր երկրի հավատարիմ բարեկամը:
