ՁԵՎԱՎՈՐՎՈՒՄ Է ԵՐՐՈՐԴ ՈՒԺ

Այսօր տեղի ունեցավ նոր նախաձեռնության հիմնադրումը, որը ըստ ամենայնի վերաճելու է հանրային շարժման եւ հանդես է գալու որպես ինքնուրույն ուժ: Նախաձեռնությունը տարածել է ստորեւ ներկայացվող հայտարարությունը, իսկ վաղը հրավիրել է մամուլի ասուլիս:

Ուժեղ Հայաստան Ռուսաստանի հետ.

Հանուն նոր Միության

ՆԱԽԱՁԵՌՆՈՒԹՅԱՆ ԿԱԶՄԿՈՄԻՏԵԻ ՀԱՅՏԱՐԱՐՈՒԹՅՈՒՆԸ

2018թ. ապրիլ-մայիսին Հայաստանում կատարված պետական հեղաշրջումը արեւմտյան հատուկ ծառայությունների՝ Հայաստանի Հանրապետությունից և Հարավային Կովկասից Ռուսաստանի Դաշնությանը դուրս մղելու ռազմավարական ծրագրի առաջին փուլի իրականացման արդյունքն էր։ Հեղաշրջման իրականացմանը մասնակից եղան Սորոսի «Բաց հասարակություն – Հայաստան» հիմնադրամի կողմից ֆինանսավորվող բացահայտ ռուսատյացները, «Կյանքի խոսք» տոտալիտար կրոնական աղանդի  հետևորդները և ԼԳԲՏ հանրույթի ակտիվիստները։ Նրանք, իրականացնելով գունավոր հեղափոխությունների արևմտյան ստրատեգների պլանները, իշխանության բերեցին Հավաքական անվտանգության պայմանագրի կազմակերպությանը և Եվրասիական տնտեսական միությանը Հայաստանի անդամակցության պաթոլոգիական հակառակորդ, հայ ինքնության թշնամի Նիկոլ Փաշինյանին։

«Путин сегодня»: «Iravunk», Армения. Арташес Гегамян: Сильная Россия ...

Известный российский информационный ресурс, название которого говорит само за себя - «Путин сегодня», обратился к статьям председателя партии «Национальное единение» Арташеса Гегамяна, опубликованным на сайте «Иравунк». В частности, в разделе «Иностранные СМИ» была опубликована статья  ««Iravunk», Армения. Арташес Гегамян: Сильная Россия – гарант мира на планете Земля»  https://www.putin-today.ru/archives/115167.

До этого статьи А.Гегамяна из «Иравунк» представлялись на другом популярном российском сайте «ИноСМИ.ru».

Երկիր մոլորակի մարդիկ, կորոնավիրուսը ձեր մահն է գուժում

09.04.2020, Իրավունք

https://iravunk.com/news/109343

Անոտացիա

Վերահաս գլոբալ տնտեսական աղետին, որն իր մեջ է առնում ԵՏՄ և ՇՀԿ տնտեսական, ռազմական, ռեսուրսային, մտավոր և մարդկային ողջ պոտենցիալը, դիմակայելու միասնական կենտրոնի ստեղծումը աշխարհը ինքնաոչնչացումից փրկելու միակ համադարմանն է։ Եվ սա չափազանցություն չէ։

Որոշում կայացնելով հոդված գրել այն ժամանակ, երբ Հայաստանի Հանրապետությունում (ՀՀ) կորոնավիրուսով վարակվածների թիվը կազմում է 881 մարդ, առաջինը, ինչը մտաբերեցի, տողերն էին Հիպոկրատի երդումից. «Ինչ տուն էլ որ ես մտնեմ, երդվում եմ այդ անել միայն հիվանդի բարօրության համար՝ զերծ մնալով որևէ անարդար ու կործանարար գործից...»։ Եվ մեր տագնապալի օրերում միանգամայն հասկանալի է, որ ես, ինչպես և յուրաքանչյուր Homo Sapiens, սկսեցի մտածել Երկիր մոլորակում կատարվող անցուդարձերի մասին՝ ընթերցելով ու վերընթերցելով հնարավոր բոլոր հրապարակումները, դիտելով տեսահեռարձակումներն օրվա օրախնդիր թեմայի վերաբերյալ։ Ընդ որում՝ ես մտովի ջանում էի համեմատել այս օրերն անցյալի նման մոլորակային արհավիրքների հետ։ Պատմական ինչ-որ զուգահեռներ չեմ անցկացնի՝ զգուշանալով այն բանից, որ, գուցե, կորոնավիրուսի համավարակի նման ընկալումը վաղօրոք նախատեսված էր ժամանակակից աշխարհակարգի քայքայման ողբերգական, ահավոր տեխնոլոգիայի սցենարիստների կողմից։ Իսկ այն, որ կորոնավիրուսի համավարակը ձեռակերտ է, դա զուտ իմ անձնական կարծիքն է, որն առայժմ համոզմունքի չի փոխակերպվել։

ԻՆՉՈ՞Ւ ՀԱՆԿԱՐԾ ՍԿՍԵՑ ԾՂՐՏԱԼ ՍԱՅԼՈՒԿ ԲՈՐԻՍ ՆԱՎԱՍԱՐԴՅԱՆԸ

20.12.2019, Իրավունք

Եվ այսպես, դեկտեմբերի 13-ին Երևանում տեղի ունեցավ «Լազարյան ակումբի» հերթական՝ 3-րդ նիստը, որի թեման էր՝ «Հայաստանի և Ռուսաստանի ԶԼՄ-ները. անկեղծ խոսակցություն»: Ինքս, հրավիրված լինելով միջոցառմանը, ուշադիր ունկնդրեցի քննարկումները և եկա այն եզրակացության, որ մեր տագնապահարույց ժամանակներում լրատվամիջոցների, քաղաքագետների, հասարակական և քաղաքական գործիչների այսպիսի հանդիպումները խիստ պահանջված են, քանզի համոզված եմ, որ կայացած անկեղծ, անկաշկանդ քննարկումները կնպաստեն Հայաստանի և Ռուսաստանի՝ երկու դաշնակից երկրների, Արևմուտքի կողմից սանձազերծած տեղեկատվական պատերազմի մարտահրավերները դիմագրավելու գործում դրական ազդեցություն կունենան: Ի հուրախություն իս, պարզվում է, որ «Լազարյան ակումբի» գործունեությանը «սրտացավորեն» են մոտենում նաև, ի՞նչ եք կարծում հարգելի ընթերցողներ, ովքե՞ր, շունչներդ պահեք՝ սորոսականները: Այո՛, այո՛, հարգելի ընթերցողներ, ես չսխալվեցի, անպարկեշտ հայտնի սորոսականները: Ճիշտ այն նույն քողարկված ռուսատյաց տարրերը, որոնք տարիներ շարունակ, հավատարիմ մնալով անփառունակ լափակեր սորոսականների տիտղոսին, հետայսու սկսել են «պաշտպանել» «Լազարյան ակումբը»: Եվ ի՞նչ եք կարծում, ումից՝ ճանաչված գիտնական, միջազգայնագետ Անդրանիկ Միհրանյանից և հայ-ռուսական բարեկամության հավատարիմ նվիրյալ, «Ազգային Միաբանություն» կուսակցության նախագահ Արտաշես Գեղամյանից: