Ի դեմս Սերժ Սարգսյանի` ունենք այն առաջնորդը… Գեղամյանը հակադարձում է Դալլաքյանին

11.10.2016, Yerkir.am

Ի դեմս Սերժ Սարգսյանի` ունենք ազգային այն առաջնորդին, որը ցանկացած պահի, անկախ նրանից` քաղաքականությամբ է զբաղվում, ֆերմեր է, աշխատավոր է, բոլորի կյանքի համար պատասխանատվություն է ստանձնում. Yerkir.am-ի հետ զրույցում ասաց «Ազգային միաբանություն» կուսակցության նախագահ, ԱԺ ՀՀԿ խմբակցության պատգամավոր Արտաշես Գեղամյանը` անդրադառնալով Վիկտոր Դալլաքյանի այն հայտարարությանը, թե, եթե իր և իր ընտանիքի անդամների հետ որևէ բան պատահի, պատասխանատուն Սերժ Սարգսյանն է:

 Եթե ԵԽԽՎ-ն գնա այդ արկածախնդրությանը, ցույց կտա իր ծախված լինելը. Արտաշես Գեղամյան

25.01.2015, Yerkir.am

Այսօր Ստրասբուրգում մեկնարկում է ԵԽԽՎ ձմեռային նստաշրջանը, որի օրակարգում միանգամից երկու հակահայ զեկույցների քննարկում և քվեարկություն կա: Զեկույցների հեղինակներն են Ռոբերտ Ուոլթերը և Միլիցա Մարկովիչը:

Yerkir.am-ի հետ զրույցում իր անկնալիքների ու կանխատեսումների մասին խոսեց ԱԺ ՀՀԿ խմբակցության պատգամավոր Արտաշես Գեղամյանը: Նրա խոսքով՝ խնդիրը հայկական պատվիրակության աշխատանքի մեջ չէ, այլ` ԵԽԽՎ-ում տիրող մթնոլորտի: Ըստ Գեղամյանի` ԵԽԽՎ-ն, ցավոք, իր կազմում ունի այնպիսի պատգամավորներ, որոնք պարզապես քաղաքական պատվեր են կատարում:

Պատգամավորը հիշեցրեց, որ ՄԽ համանախագահները 3 օր առաջ հստակ հայտարարությամբ նշեցին, որ ԼՂ հիմնախնդրի լուծումը միայն ԵԱՀԿ ՄԽ իրավասության շրջանակում է:

 Գեղամյանը բացատրեց, թե ինչու է ուզում, որ Ադրբեջանն ու ԼՂՀ-ն անդամակցեն ԵՏՄ-ին

03.07.2014, Yerkir.am

ԱԺ ՀՀԿ խմբակցության պատգամավոր, Բաքվում ԵԱՀԿ ԽՎ 23-րդ նստաշրջանին մասնակցած հայկական պատվիրակության ղեկավար Արտաշես Գեղամյանը գտնում է, որ Ադրբեջանի` ԵՏՄ-ին անդամակցելու վերաբերյալ իր հայտարարությունը ադրբեջանական haqqin.az ադրբեջանական լրատվական կայքը այլ կերպ է ներկայացրել, հետո իրենց սխալն ուղղել են: «Ես ասել եմ` ճիշտ կլինի, որ ԼՂՀ-ն, հանդիսանալով միջազգային իրավունքի ինքնուրույն սուբյեկտ, անդամակցի ԵՏՄ-ին, ինչպես նաև` Ադրբեջանը: Դա հնարավորություն կընձեռի, որ աշխուժանան տնտեսական կապերը երեք պետությունների միջև, և, բնականաբար, կվերանան սահմանները: Դա կնպաստի տևական և կայուն խաղաղություն սահմանել մեր տարածաշրջանում»,- Yerkir.am-ի հետ զրույցում ասաց Արտաշես Գեղամյանը:

Նրա խոսքով` իր այդ դիրքորոշումը առաջին անգամ հնչել է դեռ ամիսներ առաջ ռուսական լրատվամիջոցներից մեկին տված հարցազրույցում, սակայն այդ ժամանակ Հայաստանում քար լռություն էր իր այդ դիրքորոշման վերաբերյալ, բայց ամիսներ անց, երբ Բաքվում է հայտարարել նույն բանը, Հայաստանում ու Ադրբեջանում իրար են խառնվել, և դա միայն բացասական է անդրադառնում այդ իրար խառնվողների վրա: Մեր այն դիտարկմանը, որ այդ հակազդեցությունը պայմանավորված է այն հանգամանքով, որ դա հայտարարվել է Բաքվում հայկական պատվիրակության ղեկավարի կողմից, Արտաշես Գեղամյանը պատասխանեց. «Առավել ևս, շատ ավելի լավ, այսինքն` ամբողջ հետխորհրդային երկրների դատին է դա հայտնվել, և, բացի գովասանքից, չի եղել ուրիշ կարծիք:

ՍԴ-ն ապացուցեց, որ այնտեղ փայլուն պրոֆեսիոնալների խումբ է հավաքված. Արտաշես Գեղամյան

03.04.2014, Yerkir.am

Արտաշես Գեղամյանը ուղիղ եթերով երեկ հետևել է ՍԴ որոշման հրապարակմանը և շատ դրական տպավորություն ստացել: Yerkir.am-ի հետ զրույցում նա նշեց, որ ՍԴ-ն կայացրել է շատ լուրջ և հավասարակշռված վճիռ: «ՍԴ-ն վերստին հաստատեց, որ մեծ պրոֆեսիոնալների խումբ է այնտեղ հավաքված, գիտնականների ու սահմանադրագետների խումբ: Կառավարությունը, ի դեմս Տիգրան Սուրենիչի, քանիցս ասել է, որ պատրաստ է լսել դիտողություններ և առաջարկություններ, իսկ ՍԴ որակումները և գնահատականները շատ մեծ խթան կհանդիսանան, որ կառավարությունն ու ԱԺ-ն լրամշակեն օրենքը և մինչև սեպտեմբերի 30-ն ընտրեն այնպիսի օրենք, որը երբեք ու երբեք չի հակասի Սահմանադրությանը»,- ասաց նա: Որեւէ կողմին շնորհավորելու խնդիր Գեղամյանը չի տեսնում: «Մենք կարող ենք ասել, որ քաղաքացիական շարժումը պետականամետ դրսևորումներ ունեցավ և օգնեց, որ ընդունվեն այնպիսի օրենքներ, որոնք չեն հակասում Սահմանադրությանը»,- ասաց նա: