ԱՐԱ ՌՈՒԲԵՆԻ ՍԻՄՈՆՅԱՆ

Ծնվել է 1963 թ. հունվարի 8-ին, Երևանում:

Գերազանցությամբ ավարտել է Ա.Խանջյանի անվան №53 միջնակարգ դպրոցը:

Ծառայել է Սովետական բանակում:

1986թ. ավարտել է Երևանի Պետական համալսարանի իրավաբանական ֆակուլտետը և ստացել իրավագետ-միջազգայնագետի որակավորում:

Երկար տարիներ զբաղվել է գործարարությամբ ինչպես արտադրության ոլորտում, այնպես էլ երկրի համար դժվարին ժամանակներում` հանրապետություն ներկրելով առաջին անհրաժեշտության ապրանքներ, բենզին, ցորեն և այլ ռազմավարական նշանակության ապրանքներ, այդ թվում Ղարաբաղյան պատերազմի տարիներին, հնարավորին չափով աջակցելով մեր ժողովրդի ազատագրական պայքարին (անհրաժեշտության դեպքում կարող ենք ներկայացնել փաստաթղթերը):

1999թ-ից Արա Սիմոնյանը «Ազգային Միաբանություն կուսակցության» անդամ է, 2004 թ-ից` ԱՄ կուսակցության նախագահության անդամ, իրավավերլուծական բաժնի ղեկավար: Բազմաթիվ վերլուծական հոդվածների և ուսումնասիրությունների հեղինակ է, հեղինակել է ՀՀ Սահմանադրության ԱՄ կուսակցության կողմից առաջարկվող նախագիծը, ինչպես նաև բազմաթիվ այլ օրենքների նախագծեր:

Ամուսնացած է, ունի 2 դուստր: