"Yerkir.am" информационный портал
Հույս ունեմ` բանավեճն ավելի կխորանա. Գեղամյանը` Քոչարյան-Սարգսյան վեճի մասին
13.04.2013, Yerkir.am
ԱԺ ՀՀԿ խմբակցության պատգամավոր Արտաշես Գեղամյանը ոչ միայն ողջունում է Ռոբերտ Քոչարյան-Տիգրան Սարգսյան բանավեճը, այլ նաև հույս ունի, որ այդ բանավեճը գնալով ավելի կխորանա: Այս մասին Yerkir.am-ի հետ զրույցում ասաց պատգամավորը: Հիշեցնենք, որ այսօր հրապարակվել է Ռոբերտ Քոչարյանի երկրորդ հարցազրույցը, որում նա անդրադարձել է մի քանի խնդիրների, մասնավորապես` գազային պայմանագրերին եւ պարտադիր կուտակային կենսաթոշակային համակարգին:
«Երկու մտերիմ զինակիցների բանավեճ է: Հույս ունեմ` նրանց միջև տնտեսագիտական բանավեճն ավելի կխորանա, որը կբացառի զգացմունքայնությունը: Շատ օգտակար եմ համարում այդ բանավեճը: Դա իրենց ներքին հարցն է, դա երկու մտերիմ զինակիցների ներքին հարցն է, ներքին վեճը, և երրորդ մարդու մեկնաբանությունը զինակիցների, մտերիմների բանավեճին ճիշտ չեմ համարում: Իրենք շատ լավ հարաբերություններ ունեն, ընդհուպ` առաջարկ է եղել Ռոբերտ Քոչարյանի անունը ոսկե տառերով հիշատակել պատմության մեջ»,- ասաց Արտաշես Գեղամյանը:
Подробнее...Ուրախ եմ, որ Գալուստ Գրիգորիչը խորությամբ ուսումնասիրել է իմ խասյաթը. Արտաշես Գեղամյան
30.10.2012, Yerkir.am
Գալուստ Սահակյանն իր վերջին ասուլիսի ժամանակ, անդրադառնալով հարցին, թե ինչո՞ւ են Արտաշես Գեղամյանը, Հայկ Բաբուխանյանը եւ Խոսրով Հարությունյանն ավելի շատ քննադատում, քան ՀՀԿ-ականները, հայտարարել էր, որ դա նրանց «խասյաթն է», որ նրանք նոր են իշխանության մեջ, դեռ չեն ձերբազատվել այդ «խասյաթից»:
«Գալուստ Գրիգորիչի հետ մենք հին բարեկամներ ենք, եւ ես շատ ուրախ եմ, որ նա խորությամբ ուսումնասիրել է իմ խասյաթը եւ, ուսումնասիրելով բնավարությունս, էլ ավելի է մտերմացել ու բարեկամացել ինձ հետ»,- Yerkir.am-ի հետ զրույցում ասաց ԱԺ ՀՀԿ խմբակցության պատգամավոր Արտաշես Գեղամյանը:
Հարցին, թե ընդունո՞ւմ է, որ քննադատելն, իրոք, իր բնավորության գիծն է, Գեղամյանը պատասխանեց, որ եզրակացությունները թողնում է մեզ, եւ որ մեր եզրակացությունը մերժող հարյուր եզրակացություն ապրելու իրավունք ունի:
Երբ Գեղամյանի հետ փորձեցինք խոսել ՀՀ երկրորդ նախագահ Ռոբերտ Քոչարյանի մասին, նա ակնհայտորեն բորբոքվեց եւ հետաքրքրվեց` մեր սիրտը շա՞տ է ցավում Քոչարյանի համար: Դիտարկմանը, թե անգամ ԱԺ ՀՀԿ խմբակցության ղեկավար Գալուստ Սահակյանն է ընդունում, որ երկրորդ նախագահի ժամանակ տնտեսական աճ ենք արձանագրել, Գեղամյանն արձագանքեց. «Դա Գալուստ Սահակյանի տեսակետն է, սա՝ իմը, պլյուրալիզմ կա, Դուք ուզում եք չլինի՞ այդ պլյուրալիզմը»:
