АЙОЦ АШХАР
ՓՈՐՁՈՒՄ ԵՆ ՀԱՎԱՔԱԳՐԵԼ ԱՀԱԲԵԿԻՉՆԵՐԻՆ
02.07.2015, Հայոց աշխարհ
«ԵԽ ԽՎ-ում ադրբեջանական պատվիրակության ղեկավար Սամաթ Սեիդովն իր ելույթում մատնեց իրենց իրական նպատակները՝ ասելով, թե եվրոպացիները փորձում են ստվեր գցել մուսուլմանական զարգացող պետության ժողովրդավարական բարեփոխումների վրա:
Դրանով իսկ նա հարցը փորձեց տեղափոխել միջկրոնական հակասությունների հարթություն, իբր թե հակամուսուլմանական դրսեւորումների մեջ մեղադրելով եվրոպացիներին, եւ ինքնին հասկանալի է, որ նպատակը մեկն էր՝ «Իսլամական պետության» ահաբեկիչներին, որոնց շարքերում հազարավոր ադրբեջանցիներ են կռվում, հավաքագրել Ալիեւի դրոշի ներքո։
Սա ակնհայտորեն շատ նրբին մշակված, հեռահար նպատակների միտված քաղաքականություն է. լարել իրավիճակը տարածաշրջանում, պայմաններ ստեղծել, որպեսզի «Իսլամական պետության» գրոհայինների մուտքը Ղարաբաղյան հակամարտության գոտի կանխելու պատրվակով հարեւան երկրի՝ Թուրքիայի մասնակցությամբ խաղաղարար ուժեր մտցվեն տարածաշրջան։
Ահա այս հնարավոր զարգացումները պետք է նկատի ունենանք մեր գործողությունները, քայլերն իրականացնելիս թույլ չտանք, որ իրավիճակը դուրս գա վերահսկողությունից՝ հուրախություն մեր ոխերիմ հակառակորդների», - համոզված է ԱՐՏԱՇԵՍ ԳԵՂԱՄՅԱՆԸ։
ՈՄԱՆՑ ՁԵՌՆՏՈՒ ՉԷՐ ԻՐԱԴԱՐՁՈՒԹՅՈՒՆՆԵՐԻ ՆՄԱՆ ԸՆԹԱՑՔԸ
30.06-01.07.2015, Հայոց աշխարհ
Մեր հարցերին ի պատասխան՝ Բաղրամյան պողոտայում ընդդեմ էլեկտրաէներգիայի սակագնի թանկացման շարունակվող բողոքի գործողությունների ընթացքը գնահատում է Ազգային միաբանություն կուսակցության առաջնորդ, ՀՀԿ խորհրդարանական խմբակցության անդամ ԱՐՏԱՇԵՍ ԳԵՂԱՄՅԱՆԸ
-Վերջին մեկ տարվա ընթացքում մենք ականատես եղանք, թե ինչպես մեր երիտասարդները՝ քաղաքացիական ակտիվիստները, հետեւողական պայքար մղելով Մաշտոցի պողոտային հարող պուրակում առեւտրի օբյեկտների տեղակայման դեմ, հասան նրան, որ դա կասեցվեց։
Թվում է, սա այն հարցը չէր, որ պետք է արժանանար հանրապետության նախագահի սեւեռուն ուշադրությանը, բայց, ինչպես միշտ, ուշադիր վերաբերվելով հասարակության, մասնավորապես երիտասարդների հարցադրումներին եւ համոզվելով, որ այս դեպքում պահանջներն ու մղումներն ազնիվ են՝ Սերժ Սարգսյանը խորացավ հարցի մեջ, տեղում հանդիպեց ակցիայի մասնակիցների հետ, լսեց նրանց, ծանրութեթեւ արեց թեր եւ դեմ փաստարկները, եւ հարցը դրական լուծում ստացավ։ Պուրակը բարեկարգվեց եւ դարձավ մեր համաքաղաքացիների սիրած վայրերից մեկը։ Դա քաղաքացիական հասարակության առաջին հայտերից մեկն էր։
Հաջորդ հայտը՝ ժամանակագրական առումով ավելի վաղ, մեր երիտասարդները ներկայացրին՝ իրենց անհամաձայնությունը հայտնելով քաղաքային տրանսպորտի ուղեվարձի բարձրացմանը։
Ճիշտ է, բարձրացումն ուներ նաեւ օբյեկտիվ պատճառներ, բայց այս դեպքում եւս «կողմերի» փաստարկները հաշվի առնելով՝ գտնվեց փոխզիջումային լուծում. կասեցվեց ուղեվարձի բարձրացման որոշումը։ Սա նույնպես քաղաքացիական հասարակության կայացման կարեւոր հանգրվան էր։
Երրորդ կարեւոր հանգրվանը «Դեմ եմ» քաղաքացիական շարժումն էր, երբ երիտասարդ ակտիվիստներն ընդվզեցին կուտակային կենսաթոշակների համակարգի ներդրման դեմ, դիմեցին Սահմանադրական դատարան, հիմնավորեցին իրենց դիրքորոշումը, եւ որպես արդյունք գտնվեց փոխզիջումային լուծում։
Подробнее...ՀԱՆԴԻՊՈՒՄ ԴԵՍՊԱՆԻ ՀԵՏ
27.06.2015, Հայոց աշխարհ
Երեկ ՀՀԿ խմբակցության պատգամավոր, ԵԱՀԿ ԽՎ-ում Ազգային ժողովի պատվիրակության ղեկավար, Ազգային միաբանություն կուսակցության նախագահ Արտաշես Գեղամյանը ընդունել է Հայաստանում Իտալիայի դեսպան Ջովաննի Ռիչուլլիին:
Հանդիպման ժամանակ մտքեր են փոխանակվել հուլիսի 5-9-ը Հելսինկիում տեղի ունենալիք ԵԱՀԿ Խորհրդարանական վեհաժողովում քննարկվող հարցերի շուրջ: Նշվել է, որ այդ հեղինակավոր կառույցում Հայաստանի եւ Իտալիայի պատվիրակությունները շատ եւ շատ հարցերում գործում են ներդաշնակ, միաժամանակ պատրաստակամություն է հայտնվել, որ այդ ավանդույթը շարունակվի եւ համահունչ լինի մեր երկու ժողովուրդների՝ դարերից եկող բարեկամական կապերին:
Արտաշես Գեղամյանի եւ Ջովաննի Ռիչուլլիի առանձնազրույցից հետո Իտալիայի դեսպանը հանդիպում է ունեցել կուսակցության նախագահության անդամների հետ:
ԱԶԳԱՅԻՆ ՄԻԱԲԱՆՈՒԹՅՈՒՆԸ ՊԱՇՏՊԱՆՈՒՄ Է ԵՎ ԱՌԱՋԱՐԿՈՒՄ
16.05.2015, Հայոց աշխարհ
Մարտ ամսին «Ազգային Միաբանություն կուսակցության» նախագահության որոշմամբ ստեղծվել էր Սահմանադրական բարեփոխումների հանձնաժողով: Հանձնաժողովի աշխատանքները համակարգող էր հաստատվել կուսակցության նախագահության անդամ, Ազգային ժողովի 4-րդ գումարման պատգամավոր Արա Սիմոնյանը: Ապրիլի 21-ին կուսակցության նախագահությունը հավանության արժանացրեց հանձնաժողովի նախագահի զեկույցը կատարված աշխատանքի մասին եւ նպատակահարմար գտավ ներկայացնել այն Սահմանադրական բարեփոխումների հանձնաժողովին:
Կից ընթերցողի դատին ենք ներկայացնում «Ազգային Միաբանություն կուսակցության» նախագահության հավանությանն արժանացած սահմանադրական բարեփոխումների առաջարկները:
Մենք լիովին համակարծիք ենք եւ պաշտպանում ենք սահմանադրական բարեփոխումների հայեցակարգը՝ հաշվի առնելով, որ երկրի կայուն զարգացումն ու պետական կառավարման համակարգն ավելի արդյունավետ դարձնելու խնդիրներն այսօր շատ կարեւոր ու պահանջված են: Ուստիեւ հայտնելով մեր պատրաստակամությունը՝ ըստ ամենայնի մասնակցություն ունենալ սահմանադրական բարեփոխումների գործընթացին ու փորձելով բարելավել հայեցակարգում ներառված դրույթներն ու մոտեցումները, ներկայացնում ենք մեր առաջարկությունների ու նկատառումների սեղմ տարբերակը՝ ակնկալելով հետագայում ավելի լայն քննարկումներ ու պարզաբանումներ:
Подробнее...
