"Mediamall.am" информационный портал

Հայ և ռուս ժողովուրդների ճակատագիրը նույնն է. կայացավ Արտաշես Գեղամյանի գրքի շնորհանդեսը

10.12.2014, Mediamall.am

ՀՀ կառավարության ընդունելությունների տանը տեղի ունեցավ Ազգային ժողովի պատգամավոր Արտաշես Գեղամյանի նոր գրքի շնորհանդեսը: Գիրքը կրում է «Հայաստանի և Ռուսաստանի ժողովուրդների ճակատագիրը նույնն է. hաղթել՝ սանձելով պատերազմը» խորագիրը:

Արտաշես Գեղամյանի գրքի շնորհանդեսին մասնակցեց նաև ՀՀ Նախագահ Սերժ Սարգսյանը: Ներկա էին նաև ՀՀ ԱԺ պատգամավորներ, հասարակական-քաղաքական գործիչներ, ինչպես նաև Հայաստանում Ռուսաստանի, Բելառուսի և Ղազախստանի դեսպանները:

Լրագրողների հետ զրույցում Արտաշես Գեղամյանն ընդգծեց, որ գիրքը ոչ այլ ինչ է, քան իր մտորումներն աշխարհաքաղաքական զարգացումների, Հայաստանի վրա դրանց անդրադարձի վերաբերյալ: Գեղամյանն ընդգծեց, որ 2014թ.-ն, Երկրորդ համաշխարհային պատերազմից հետո, իր բարդությամբ երկրորդ տարին է:

«Առաջինը եղավ 1962թ., այսպես կոչված, «հրթիռային ճգնաժամի» ժամանակ, երբ երկրագունդը ընդամենը մեկ քայլ հեռավորության վրա էր միջուկային պատերազմից, և երկրորդը հիմա է: Եվ այս իրավիճակում Հայաստանը, Աստված մի արասցե, որ հայտնվի գերտերությունների բախման կիզակետո ւմ:

Подробнее...

 Արտաշես Գեղամյանը ժամանակավրեպ է համարում ԵԱՀԿ ԽՎ-ում Բախար Մուրադովայի նախաձեռնությունը

04.09.2014, Mediamall

ԵԱՀԿ խորհրդարանական վեհաժողովի հայաստանյան պատվիրակության ղեկավար Արտաշես Գեղամյանը ժամանակավրեպ է համարում Ադրբեջանի խորհրդարանի փոխխոսնակ Բախար Մուրադովայի հայ-ադրբեջանական սահմանին հայկական զորքերի իբր սադրիչ գործողությունների վերաբերյալ վեհաժողովին բողոք ներկայացնելու նախաձեռնությունը:

«Ես կարծում եմ, որ տվյալ դեքպում Մուրադովան նոր է վերադարձել արձակուրդից և փորձում է կ որսված պահն արդիականացնել, սակայն ես պետք է տեղյակ պահեմ, որ երկու օր առաջ ես ստացել եմ ԵԱՀԿ խորհրդարանական վեհաժողովի նորընտիր նախագահ Իլկա Կաներվայի նամակը, որը պատասխանն էր օգոստոսի 5-ին նրան հասցեագրված իմ ծավալուն նամակին՝ ադրբեջանական զորքերի սադրիչ գործողությունների վերաբերյալ: Եթե կարդաք այդ նամակը, կհասկանաք, որ Մուրատովայի այդ նախաձեռնությունն ուղղակի ժամանակավրեպ է»,- «Արմենպրես»-ի հաղորդմամբ՝ ասաց Գեղամյանը:

Подробнее...

 Արտաշես Գեղամյանը վստահ է` թուրք-ադրբեջանական կողմի նյարդերը տեղի են տալիս

10.06.2014, Mediamall.am

Ազգային ժողովի ՀՀԿ խմբակցության անդամ Արտաշես Գեղամյանը ԱԺ հարթակից ներկայացրեց օրերս Ղազախստանի մայրաքաղաքում տեղի ունեցած միջադեպի դասերը: «Ադրբեջանաթուրքական քարոզչամեքենան ձախողվեց Աստանայում, քանի որ, եթե չլիներ ՀՀ Նախագահի հաշվենկատ, զուսպ գործելաոճը, մենք կհայտնվեինք շատ ծանր վիճակում»,- հայտնեց Արտաշես Գեղամյանը:

Նրա խոսքով' ցանկացած հակադարձում Նազարբաևին, նշանակում էր, որ հետագայում Ադրբեջանն ասելու էր, որ Հայաստանի Հանրապետությունն իր փաստացի գործողություններով վիժեցնում է Մինսկի խմբի համանախագահների կողմից իրականացվող գործընթացը: «Երկրորդ' մենք ինքներս մեզ կհակասեինք առ այն, որ Լեռնային Ղարաբաղի Հանրապետությունը ինքնիշխան է և ԼՂՀ-ի անունից միայն ԼՂ ժողովրդավարական ճանապարհով ընտրված իշխանությունները կարող են հայտարարություն անել»,- շեշտեց Արտաշես Գեղամյանը:

Եզրափակելով' պատգամավորը նշեց. «Երբ այդ բոլորը համադրում ենք այն սրիկայական գործողությունների հետ, որ կատարվեցին Նախիջևանի հետ սահմանին, վկայում է այն մասին, որ թուրք-ադրբեջանական կողմի նյարդերը տեղի են տալիս, նրանց դարավոր երազանքը' բարդել Հայաստանի վրա Մինսկի խմբի համանախագահների գործընթացի վիժեցումը, տապալվեց»:

Последние видеоматериалы

Новые книги