ԱՆՀՐԱԺԵՇՏ Է ՀԱՅԱՍՏԱՆԻ ԵՎ ԱՐՑԱԽԻ ՊԱՇՏՊԱՆՈՒԹՅԱՆ ՄԻԱՎՈՐՎԱԾ ԿՈՄԻՏԵԻ ՀԻՄՆՈՒՄԸ

07.02.2020, Ռեգնում

https://regnum.ru/news/polit/2851874.html

Անոտացիա

2018թ. ապրիլ-մայիսի պետական հեղաշրջումը Հայաստանի Հանրապետությունում ռուսատյաց ուժերին իշխանության բերելու մանրակրկիտ մշակված տեխնոլոգիայի եզրափակիչ գործողությունն էր՝ Անդրկովկասից Ռուսաստանը դուրս մղելու, Արցախի Հանրապետության սահմանների ողջ պարագծով ՆԱՏՕ խաղաղարար ուժեր (իմա՝ ամերիկա-թուրքական) մտցնելու, Իրանի Իսլամական Հանրապետության հետ 105 կիլոմետր սահմանի (որը ներկայում վերահսկվում է Արցախի Հանրապետության զինված ուժերի կողմից) վերահսկողություն իրականացնելու նպատակով։ Հայաստանի և Արցախի պաշտպանության միավորված կոմիտեի հիմնումը՝ հայկական երկու պետությունների գոյության վտանգավոր սպառնալիքի չեզոքացման նպատակով, Հայաստանի Հանրապետության և Արցախի Հանրապետության պահպանման պարտադիր պայմանն է։ Այլընտրանքը հայոց պետականության կորուստն է։

  Եվ այսպես, 2020թ. հունվարի 25-ին Սյունիքի մարզի Կապան քաղաքում տեղի ունեցավ Հայաստանի Հանրապետության վարչապետ Նիկոլ Փաշինյանի հերթական մամուլի ասուլիսը, որի ընթացքում «ժողվարչապետը» 2018թ. ապրիլ-մայիսի պետական հեղաշրջումից հետո երրորդ անգամ ներկայացրեց «100 փաստ «Նոր Հայաստանի» մասին» (այսուհետ՝ 100 փաստ), ինչպես նաև «Նոր Հայաստանի» կառավարության հերոսական առօրյայի «աննախադեպ» արդյունքները։ Հարգելի ընթերցողները միանգամայն իրավացիորեն կարող են հարց տալ. իսկ այդ ինչո՞ւ եմ երկու շաբաթ հետո անդրադառնում այդ թեմային։ Եվ ընթերցողներն իրավացի կլինեն։ Չեմ թաքցնի, որ, հեռուստաէկրանի առջև նստելով 5 ժամ 20 րոպե, այսինքն՝ սույն արարի առաջին իսկ րոպեից մինչև վերջ, ամենահակասական զգացողություններ ունեցա։

ՊՈՒՏԻՆԻ ՈՒՂԵՐՁԸ ՀԱՎԱՍԱՐԱՊԵՍ ՀԱՍՑԵԱԳՐՎԱԾ Է ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ

Հունվար 17, 2020

http://www.shame.am/news/view/67898.html

Արտաշես Գեղամյան

Անոտացիա

Հայաստանի «ժողվարչապետը» 2020 թվականին միանգամայն այլ օրակարգ ունի, որն էլ հնչեցրել է ՀՀ կառավարության 2020թ. առաջին իսկ նիստում։ Այսպես, հունվարի 9-ին Նիկոլ Վովաևիչը, ելույթ ունենալով Հայաստանի կառավարության առաջին նիստում, իրեն բնորոշ խորաթափանցությամբ նկատեց, որ Հայաստանում ամենամեծ խնդիրներից մեկը վերաբերում է զուգարանների վիճակին։

Անցել է երկու շաբաթից մի փոքր ավելի, ինչ 2020 թվականը մտել է իր իրավունքների մեջ։ Հայաստանում և մեր դաշնակից Ռուսաստանում, ըստ իս, ընթացիկ տարեսկզբի հատկանշական տարբերությունը նախորդ տարիներից այն դրության բարդության գիտակցումն է, որը ստեղծվել է Մեծ Մերձավոր Արևելքի տարածաշրջանում, հատկապես Ռուսաստանի Դաշնության հարավային սահմաններին, Իրանի շուրջ և աշխարհում առհասարակ։ Ասվածի հաստատումն է ՌԴ Դաշնային ժողովին Ռուսաստանի Դաշնության նախագահ Վլադիմիր Վլադիմիրովիչ Պուտինի բացառիկ հրատապ Ուղերձի (այսուհետ՝ Ուղերձ – Ա.Գ.) ճիշտ ժամանակին հնչեցնելու միանգամայն ներկայացուցչական արարողությունը։ Հատկապես ընդգծենք, որ այդ միջոցառմանը ներկա էին Ռուսաստանի Դաշնության Դաշնության խորհրդի անդամներ, Պետական Դումայի պատգամավորներ, կառավարության անդամներ, Սահմանադրական և Գերագույն դատարանների ղեկավարներ, նահանգապետեր, ՌԴ սուբյեկտների օրենսդիր ժողովների նախագահներ, ավանդական դավանանքների ղեկավարներ, հասարակական գործիչներ, խոշոր ձեռնարկությունների և բանկային ոլորտի, զանգվածային լրատվամիջոցների ղեկավարներ։ Ես հատուկ այսքան մանրամասն նշեցի մասնակիցների կազմը, որովհետև նրանց պրոֆեսիոնալ աշխատանքից է հիմնականում կախված լինելու Ուղերձում Ռուսաստանի նախագահի առաջադրած մասշտաբային անելիքների իրականացումը։

Послание Путина в равной мере адресовано и Республике Армения

17.01.2020, Регнум

https://regnum.ru/news/polit/2832766.html

Рамблер
https://news.rambler.ru/other/43519314-poslanie-putina-v-ravnoy-mere-adresovano-i-respublike-armeniya/

Shame.am
http://www.shame.am/ru/news/view/67898.html

19.01.2020, Лазаревский клуб

http://lazarevsky.club/statyi/post/poslanie-putina-v-ravnoj-mere-adresovano-i-respublike-armeniya 

Аннотация

У «народного премьера» Армении в 2020-м году совершенно иная повестка, которую он и озвучил на первом же заседании Правительства РА 2020 года. Так, 9 января Никол Воваевич, выступая на первом заседании Правительства Армении, с присущей ему прозорливостью заметил, что в Армении одна из самых больших проблем касается состояния туалетов.

Прошло чуть более двух недель, как 2020-й год вступил в свои права. Примечательное отличие начала текущего года от предыдущих лет в Армении и союзнической нам России, на мой взгляд, в осознании сложности положения, складывающегося в регионе Большого Ближнего Востока, особенно на южных рубежах Российской Федерации, вокруг Ирана и в мире в целом. В подтверждение сказанному своевременная, весьма представительная церемония оглашения исключительно актуального Послания Президента Российской Федерации Владимира Владимировича Путина Федеральному Собранию РФ (далее Послание̶ А. Г.). Особо подчеркнем, что на этом мероприятии присутствовали члены Совета Федерации, депутаты Государственной Думы, члены Правительства, руководители Конституционного и Верховного судов, губернаторский корпус, председатели законодательных собраний субъектов Российской Федерации, главы традиционных конфессий, общественные деятели, руководители крупнейших предприятий и банковской сферы, средств массовой информации. Я специально столь подробно изложил состав участников, потому что именно от их профессиональной работы во многом будет зависеть реализация масштабных задач, выдвинутых Президентом России в Послании.

Իրար գլխի հավաքվող հակառուսական ինտերնացիոնալը Հայաստանում չի՛ անցնի

Դեկտեմբերի 24, 2019

http://www.shame.am/news/view/67862.html

Արտաշես Գեղամյան

Ավարտին է մոտենում 2019 թվականը։ Չեմ թաքցնում, հարգելի ընթերցող, որ նախաամանորյա այս օրերին դժվար էր տրամադրվել նորանոր փաստեր ներկայացնել, որոնք վկայում են հայկական պետության հիմքերի դեմ չդադարող դիվերսիայի մասին ոչ միայն և ոչ այնքան Սորոսի հիմնադրամից ու օվկիանոսի այն կողմում գտնվող տարատեսակ դեմոկրատական ինստիտուտներից վարձատրվողների, որքան հենց այսօրվա Հայաստանի իշխանավորների կողմից, որոնք ներսից են քանդում երկիրը։ Հարգելի ընթերցողը միանգամայն իրավացիորեն կարող է կշտամբել ինձ, թե ինչու հանկարծ սկսեցի բաժանել սորոսյան լափակերներին գործող իշխանություններից։ Չէ՞ որ, ըստ էության, նրանք ի սկզբանե միասին էին ու կանգնած էին Հայաստանում 2018թ. ապրիլ-մայիսի պետական հեղաշրջման ակունքների մոտ, ավելին՝ դրա իրականացման կազմակերպիչներն ու գլխավոր գործող անձինք էին։ Բայց ներկայում Հայաստանում ստեղծված իրավիճակում ինձ մտահոգում է այլ բան, այն է. ինչպես երևում է, պետական հեղաշրջման սցենարիստների ու ֆինանսավորողների հեռուն գնացող պլանների իրականացման հարցում գործող իշխանություններն ուշանում են։ Պետք է կարծել, որ Լեռնային Ղարաբաղի Հանրապետության առաջին նախագահ, Հայաստանի Հանրապետության (ՀՀ) երկրորդ նախագահ Ռոբերտ Քոչարյանի քաղաքական դատաստանը, ՀՀ երրորդ նախագահ, Արցախի հերոս Սերժ Սարգսյանի, ՀՀ պաշտպանության նախկին նախարարներ Միքայել Հարությունյանի, Արցախի հերոս Սեյրան Օհանյանի, ՀՀ պաշտպանության նախարարության Գլխավոր շտաբի նախկին պետ Յուրի Խաչատուրովի, ՀՀ պաշտպանության նախկին փոխնախարար, Արցախի հերոս Մանվել Գրիգորյանի քրեական հետապնդումները բնավ էլ այն չեն, ինչի հույս ունեին ներկա իշխանությունների տիկնիկավարները։ Էլ չեմ ասում Արցախի հերոս, Արցախի Հանրապետության Անվտանգության խորհրդի նախկին քարտուղար, գեներալ-մայոր Վիտալի Բալասանյանի հանդեպ վերաբերմունքի բացահայտ քաղաքական ձախողման մասին (ձեռքները չի հասնում ֆիզիկական հաշվեհարդար տեսնել նրա հետ)։ Բացահայտ զրպարտության և ստի մթնոլորտը, որով հագեցած է Հայաստանի տեղեկատվական դաշտը Արցախի ազգային-ազատագրական շարժման հերոսների հանդեպ, միայն մասամբ է նպաստում առաջադրված նպատակներին հասնելուն։ Զօրուգիշեր իրականացվող տեղեկատվական պատերազմն աստիճանաբար թուլացնում է երիտասարդ սերնդի, առավել ևս՝ զորակոչային տարիքի պատանիների գիտակցությունը՝ նրանց մեջ արմատավորելով կեղծ, խեղաթյուրված պատկերացում Արցախի հերոսների, հայրենասիրության, տղամարդկության և անձնազոհության մասին։ Միևնույն ժամանակ, պետական հեղաշրջման սցենարիստները, այսինքն՝ Հայաստանի իշխանությունների՝ գունավոր հեղափոխությունների մեջ հմտացած անփոփոխ ուղեվարները այսքանով կանգ չեն առնում։ Նրանք ստեղծում են նոր կուռքերի կերպարներ, օրինակ՝ տրանսգենդերներից ու տարատեսակ այլասերվածներից։