"Newsbook.am" информационный портал
ԱՐՏԱՇԵՍ ԳԵՂԱՄՅԱՆԻ ՊԱՏԱՍԽԱՆՆԵՐԸ NEWSBOOK-Ի ԹՂԹԱԿՑԻՆ
12.04.2016, Newsbook.am
Պարոն Գեղամյան, ի՞նչ եք կարծում` վարչապետ Հովիկ Աբրահամյանը պետք է մասնակցի Մոսկվայում կայանալիք ԵՏՄ երկրների վարչապետների գագաթնաժողովին:
– Այո, կարծում եմ պետք է գնա:
Չե՞ք կարծում, որ ընդառաջ գնալով Ղազախստանի առաջարկին` ԵՏՄ-ն կորցրեց իր հեղինակությունը և պարզ դարձավ, որ այդ կառույցի անդամ երկրները մեկը մյուսի դաշնակիցը չեն, և արդյո՞ք Հայաստանը պետք է շարունակի իր ներկայությունն այնտեղ:
– Չեմ կարծում, որովհետև ԵՏՄ-ն տարածաշրջանային տնտեսական ինտեգրման միջազգային կազմակերպություն է և ոչ քաղաքական դաշինք:
Ի՞նչ եք կարծում` Ասոցացման համաձայնագրից հրաժարվելն ու ԵՏՄ-ին անդամակցելն էր պատճառը, որ Արևմուտքը հրաժարվեց ասել, որ վերջին օրերին նախահարձակ գործողությունների դիմողը Ադրբեջանն է:
Подробнее...Տողատակերը շատ խորն են
08.09.2015, Henaran.am
«Ճիշտ է, ժլատ լրատվություն է, բայց տողատակերը շատ խորն են ու շատ հուսադրող են, ուղղակի ժամանակից առաջ չընկնենք»,- այս մասին Henaran.am-ի հետ զրույցում, ադրադառնալով երեկ կայացած Վլադիմիր Պուտին- Սերժ Սարգսյան հանդիպմանը, ասաց ԱԺ պատգամավոր, «Ազգային Միաբանություն» կուսակցության նախագահ Արտաշես Գեղամյանը: Նրա խոսքով՝ պաշտոնական տեղեկատվությունից բացի մնացածը ենթադրությունների ոլորտից են:
Մեր դիտարկմանը, թե սահմանային լարվածությունը թեթևացել է հանդիպման և դրան հաջորդած օրը, Արտաշես Գեղամյանն արձագանքեց.
Подробнее...Հեռատես, հզոր, կամային, լեգիտիմ. Արտաշես Գեղամյանի սիրո խոստովանությունը առ Սերժ Սարգսյան
24.06.2015, Newsbook.am
NewsBook-ի զրուցակիցն է ՀՀԿ խմբակցության պատգամավոր, «Ազգային միաբանություն» կուսակցության նախագահ Արտաշես Գեղամյանը:
- Պարոն Գեղամյան, երեկ առավոտյան տեղի ունեցած իրադարձությունների ժամանակ ոստիկանության գործողություններն իրավաչա՞փ էին, թե` ոչ:
- 12 ժամ թե՛ ոստիկանությունը, թե՛ «Ո՛չ թալանին» քաղաքացիական նախաձեռնության անդամները շատ զուսպ էին: Իմ կողմից տրված գնահատականները կարող է խիստ սուբյեկտիվ լինել և ասեմ` ինչու. 11 տարի առաջ` ապրիլի 13-ի լույս 14-ի գիշերը, ճիշտ այդ հրապարակում մի խումբ կուսակցությունների լիդերներ և հոծ բազմությունը դարձյալ Բաղրամյան պողոտայում էին հավաքված: Մեր պահանջը հետևյալն էր` այն, ինչի մասին որոշում կայացրեց Հայաստանի սահմանադրական դատարանը` հանրաքվե կազմակերպել, և մենք կողմնակից էինք, որ ի կատար ածվեր Սահմանադրական դատարանի որոշումը: Մեր բողոքի ձայնը հանուն այդ որոշման կատարմանն էր: Ինչպես հիշում եք, շատ դաժանորեն այդ բողոքի մասնակիցների նկատմամբ օգտագործվեցին մահակներ, ջրային շիթեր: Մահակավորների տարափ էր այնտեղ: Նախագահականից ոչ մեկը չարձագանքեց մեր այդ բնական պահանջին և նախագահական չհրավիրեցին կուսակցությունների լիդերներին, ովքեր պատասխանատու էին այդ բողոքի ակցիայի համար: Մինչդեռ մեր խնդրանքն էր, որ հասկանայինք, եթե Սահմանադրական դատարանի երաշխավորությունը հիմք չէ, դա փոխում է մեր վերաբերմունքը կատարվածի հանդեպ, եթե դա հիմք է, խնդրում եմ ասեք, թե երբ եք մտադիր մենք էլ ձեզ հետ միասինք ձեռնամուխ լինենք այդ վստահության հանրաքվեի կազմակերպմանը և անցկացմանը: Բացարձակապես անտեսվեց մեր պահանջը և մահակավորների ջարդ տեղի ունեցավ:
Հայոց ցեղասպանության 100-ամյա տարելիցի միջոցառումներն անցան բացառիկ բարձր մակարդակով. Ա. Գեղամյան
28.04.2015, Orer.am
Հայոց ցեղասպանության 100-ամյա տարելիցի միջոցառումներն անցան բացառիկ բարձր մակարդակով: Ասեմ, որ բացառիկությունը պայմանավորված էր խորիմաստությամբ եւ խորհրդով: Ես երիտասարդ չեմ, սակայն իմ ամբողջ կյանքի ընթացքում ավելի նպատակային եւ հիասքանչ կազմակերպված միջոցառում չեմ հիշում: Այս ամենն ազգին պատիվ բերող միջոցառումների շարք էր,- այս մասին Orer.am-ի հետ զրույցում նշեց ՀՀ ԱԺ ՀՀԿ խմբակցության պատգամավոր Արտաշես Գեղամյանը:
Ինչպես նշեց պատգամավորը, հայերս ոչ Թուրքիային եւ ոչ էլ այլ պետության ապացուցելու որեւէ բան չունենք, սակայն ազգի խմբվածությունն ու կազմակերպվածությունը վկայում է մեկ կարեւոր բանի մասին. «Մենք ասացինք, որ հազարամյակների պատմություն ունեցող հայկական քաղաքակրթությունը եւ մեր համընդհանուր սրբությունները ընդհանրապես ո’չ մի քաղաքականություն, ո'չ մի նախասիրություն եւ թշնամանք չեն ճանաչում, դրանք ամբողջությամբ հետին պլան են մղվում:
Այս ծայրաստիճան գերլարված աշխարհաքաղաքական իրավիճակում միայն սրբությունների շուրջ համախմբվելով կարելի է դիմագրավել աշխարհի առջև ծառացած լրջագույն փորձությունները: Սրանք պատմական ու բացառիկ միջոցառումներ էին, որի արձագանքը, տա Աստված, որ կարողանանք ճիշտ օգտագործել եւ համընդհանուր համազգային վերելքը վերընթացով շարունակենք»:
Подробнее...
